وەزیری کار و کاروباری کۆمەڵایەتی زیادکردنی مووچەی کرێکارە خانەنشینکراوەکانی بە بڕی 100 هەزار دینار ڕاگەیاند
ناوخۆ
- 1-05-2024, 13:30
بەغداد-INA
ئەمڕۆ چوارشەممە"ئەحمەد ئەسەدی" وەزیری کار و کاروباری کۆمەڵایەتی،ڕاگەیاند : کە مووچەی کرێکارانی خانەنشینکراو بە بڕی 100 هەزار دینار زیاد دەکرێت.
وەزارەتی کار لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی، تێیدا هاتووە:- بە بۆنەی ڕۆژی جیهانی کرێکارانەوە "ئەحمەد ئەسەدی" وەزیری کار و کاروباری کۆمەڵایەتی مژدەیەکی خۆشی بۆ کرێکارە خانە نشینکراوەکان راگەیاند ئەویش بە زیادکردنی مووچەی کرێکارە خانەنشینکراوەکانی بەبڕی 100 هەزار دینار.
وەک ڕاگەیەندراوەکە ئاماژەی پێداوە:بڕیاری زیادکردنی مووچەی کرێکارە خانەنشینکراوەکان لە دانیشتنی ئەنجومەنی وەزیران لە هەفتەی داهاتوودا دەنگی لەسەر دەدرێت.
