عومەر بەرزنجی بڕوانامەی دەستبەکاربوون لە هەشت باڵیۆزی نوێ لە عێراق وەردەگرێت

بەغداد-INA
ڕۆژی یەکشەممە، وه‌زاره‌تی دەرەوە لەڕاگەیەندراوێکدا کە بۆ ئاژانسی هەواڵی عێراقی (INA)ناردوویەتی تیایدا هاتووە:- لەباڵاخانەی وەزارەتی دەرەوە لە بەغدا"عومەر بەرزنجی" بریکاری وەزیری دەرەوە بۆ کاروباری هەمەلایەن و یاسایی،بڕوانامەی دەستبەکاربوونی هەشت باڵیۆزی نوێ لە عێراق وەرگرت ،کە بریتی بوون لە"خالد ئەحمەد مەنسور" باڵیۆزی شانشینی بەحرەین،و"جۆرج سەعید زامیت" باڵیۆزی کۆماری ماڵتا،و"محەمەد حەبیب ئیدریس " باڵیۆزی کۆماری غانا،و" خۆسێ .ج . مارتینز " باڵیۆزی کۆماری ئەنگۆلا،و"سەعید محەمەد جبریل " باڵیۆزی کۆماری فیدراڵی ئەسیوپیا،و"ئودایا کومارا ئیندراسنا کورۆتامجی "باڵیۆزی کۆماری سریلانکا،و"فێرناندۆ دی ئورێ دی بێرتۆ باڵیۆزی کۆماری پورتوگال و "سلاڤکۆ ماتانۆڤیچ " باڵیۆزی کۆماری بۆسنە وهەرسیک،.
وەک ڕاگەیەندراوەکەی وەزارەتی دەرەوە ئاماژەی پێداوە:- وێڕای پێشوازیکردن لە باڵیۆزەکان بەجیا،"عومەر بەرزنجی " بریکاری وەزیری دەرەوە سڵاوی "فوئاد حوسێن" جێگری سەرۆکوەزیران و وەزیری دەرەوە گەیاندە باڵیۆزە نوێیەکان و خواستی حکومەتی کۆماری عێراقی دەربڕی بۆ دروستکردنی پەیوەندی دۆستانە و هاوکاری لەگەڵ هەمووان لەسەر بنەمای بەرژەوەندییە هاوبەشەکان،و بەرزکردنەوەی هاوکاری سیاسی و ئابووری و بازرگانی،و زاڵبوون بەسەر جیاوازییەکان لە ڕێگەی گفتوگۆوە.
هەروەک "بەرزنجی" جەختی لە گرنگی هەنگاونان بۆ دروستکردنی پەیوەندی دیپلۆماسی لە ڕێگەی باڵیۆزخانەکان لە  بەغدا بە ئامانجی فراوانکردنی ئاسۆی هاوکاری و ڕووبەڕووبوونەوەی ئاستەنگە جیهانی و ناوچەییەکان، لەسەر بنەمای کراوەیی حکومەتی کۆماری عێراق بەڕووی هەموو لایەکدا لە چوارچێوەی دوولایەنە و فرەلایەنەدا،هاوکات جەختیکردەوە لە هاوکاری زیاتر لە چوارچێوە لە ڕێکخراوە نێودەوڵەتییەکان.
هەر بەپێی ڕاگەیەندراوەکە " عومەر بەرزنجی " بریکاری وەزارەتی دەرەوە،هیوای خواست باڵیۆزە نوێیەکان سەرکەوتووبن  لە جێبەجێکردنی ئەرکە نوێیەکانیان، و بە شێوەیەک کە پەیوەندی دۆستایەتی و هاوکاری نێوان عێراق و وڵاتەکانیان پتەوتر بکەن.
لەکۆتایی ڕاگەیەندراوەکەدا هاتووە :- لای خۆیانەوە باڵیۆزەکان سوپاس و پێزانینی خۆیان ئاراستەی بریکاری وەزیری دەرەوە بۆ کاروباری هەمەلایەن و کاروباری یاسایی کرد،و سڵاوی خۆیان نارد بۆ  جێگری سەرۆک وەزیران و وەزیری دەرەوە، خواستی وڵاتەکانیان بۆ بەهێزکردنی پەیوەندی لەگەڵ عێراق لە بوارە جیاوازەکاندا بە شێوەیەک کە پەیوەندییە هاوبەشەکان پتەوتر بکات دەربڕی.