سەرۆك وەزیران خواستی عێراق بۆ هاوكاریی ئابووری فراوانتر لەگەڵ سعودیە دووپاتدەكاتەوە

بەغدا - INA
ئەمڕۆ یەكشەممە سەرۆكی ئەنجومەنی وەزیران محەمەد شیاع سودانی خواستی عێراقی بۆ هاوكاریی ئابووری فراوانتر لەگەڵ شانشینی سعودیە دووپاتكردەوە.
نووسینگەی ڕاگەیاندنی سەرۆك وەزیران لە ڕاگەیەندراوێكدا كە بەدەست ئاژانسی هەواڵی عێراقی (INA) گەیشتووە: ئێوارەی ئەمڕۆ یەكشەممە محەمەد شیاع سودانی سەرۆكی ئەنجومەنی وەزیران لە پایتەختی سعودیە چاویكەوت بە شازادەی جێنشینی شانشینی سعودیە  شازادە محەمەد بن سەلمان بن عەبدولعەزیز ئال سعود بە ئاماژەدان بەوەی لە میانی دیدارەكەدا باسیان لە پەیوەندییە دووقۆڵییەكانی نێوان هەردوو وڵات و گرنگی چەسپاندنیان و پێداچوونەوە بە دۆسیەكانی هاریكاری هاوبەش و گەشەكردنی لە چوارچێوەی كارەكانی ئەنجومەنی هەماهەنگی عێراق و سعودیە، كە لە ئەنجامدا چەندین لێكتێگەیشتن لە بوارە جیاجیاكاندا دروست بوو.
بەگوێرەی بەیاننامەكە سودانی دەریخستووە : ئاواتی عێراق بۆ هاوكاریی ئابووری فراوانتر لەگەڵ شانشینی یەكگرتوو، كە بەشدارە لە بەرزكردنەوەی گەشەكردن و دەرفەتی نوێ لە بوارە ئابوورییە جیاوازەكاندا دەڕەخسێنێت، كە ئەمەش ڕەنگدانەوەی بەرژەوەندییەكانی هەردوو وڵاتی برا و خۆشگوزەرانی گەلەكەیانە.
لای خۆیەوە شازادەی جێنشینی سعودیە بەخێرهاتنی سەرۆك وەزیرانی كرد و سوپاسی خۆی دەربڕی بۆ قبوڵكردنی بانگهێشتنامەكە و بەشداریكردنی لە كۆڕبەندی ئابووری جیهانی، جەختیكردەوە لەپەرۆشی سعودیە بۆ گەیشتن بە باشترین پەیوەندی لەگەڵ عێراق و بەرزكردنەوەی ئاستی هاریكاریی هاوبەشی نێوان دوو وڵاتی دراوسێ.
لە كۆتایی بەیاننامەكەدا هاتووە : كۆبوونەوەكە دەستی خستە سەر دۆخی غەززە، و ئەو كوشتن و برسێتییەی كە گەلی فەلەستین شاهیدییە لەسەر دەستی هێزە داگیركەرەكان، هەروەها جەختی لەسەر پێویستی هەوڵدانی زۆر بۆ وەستاندنی شەڕەكە كردەوە، كە كاریگەریییەكانی رەنگدانەوەی هەبووە  لە سەقامگیری هەرێمی و نێودەوڵەتیدا.