پۆلیسی ڕەسافە ئامانجەكانی ئۆپەراسیۆنە هاوبەشەكەی ناوچەی بەتاوین لە ناوەڕاستی بەغدا ئاشكرا دەكات

بەغداد - INA
ئەمڕۆ پێنجشەممە، فەرماندەی پۆلیسی رەسافە لیوا شەعلان عەلی حەسناوی، ئامانجەكانی ئەو ئۆپەراسیۆنە هاوبەشەی ئاشكرا كرد كە لە ناوچەی بەتاوین لە ناوەڕاستی بەغدا دەستیپێكرد.
حەسناوی بە ئاژانسی هەواڵی عێراقی ڕاگەیاند: ئامانجەكانی ئەو ئۆپەراسیۆنەی كە لە ناوچەی بەتاوین دەستیپێكردووە تەنها ئەمنی نییە، بەڵكو چەندین ئامانج لەخۆدەگرێت،و وتیشی: ئامانجی ئۆپەراسیۆنە هاوبەشەكە هاندانی وەبەرهێنەران و گەڕاندنەوەی ژیانە بۆ ناوچەكە كە مۆركێكی بازرگانی هەیە و نەهێشتنی حاڵەتەكانی سەرپێچیكردن لەسەر ڕێگا گشتییەكان و ئیستغلالكردنی هاوڵاتیان لەڕێگەی كۆكردنەوەی زۆرەملێی شوێنی وەستانی ئۆتۆمبێل.
ئاماژەی بەوەشكرد: ئۆپەراسیۆنە هاوبەشەكە هاوكات دەبێت لەگەڵ بەدواداچوونی كەسانی داواكراو و حاڵەتە نائاساییەكان - هاتنە ناوەوەی هەوڵێكی خزمەتگوزاری بۆ پێشكەشكردنی خزمەتگوزاری، نۆژەنكردنەوە و فراوانكردنی ڕێگاوبانەكان لەڕێگەی لابردنی سەرپێچییەكانەوە، هەروەها ڕووناككردنەوەی شەقامەكان.
ئاشكراشیكرد: وەزیری ناوخۆ عەبدولئەمیر شەمەری، ڕێنمایی دەزگای هەواڵگری كرد بۆ بەهێزكردنی ناوچەی بەتاوین بە كامێرای حەراری هاوچەرخ بۆ چاودێریكردنی هەر هەوڵێك كە كاریگەری لەسەر دۆخی سەقامگیری هەبێت كە هاوڵاتی ئەزموونی دەكات.
پێشتر سەرلەبەیانی رۆژی پێنجشەممە وەزارەتی ناوخۆ، جێبەجێكردنی ئۆپەراسیۆنێكی ئەمنی لە ناوچەی بەتاویین ڕاگەیاند، و ئاماژەی بەوەشدا: كە ئۆپەراسیۆنەكە بۆ چەند ڕۆژێك بەردەوام دەبێت، و یەكەم ئۆپەراسیۆنی لەو جۆرەیە لە ماوەی ساڵانی ڕابردوودا.