ئەنجومەنی وەزیران دانیشتنی ئاسایی خۆی بە سەرۆکایەتی سەرۆک وەزیران ئەنجام دەدات

بەغداد - INA
ئەمڕۆ پێنج شەممە، ئەنجومەنی وەزیران دانیشتنی ئاسایی خۆی بە سەرۆكایەتی محەمەد شیاع سودانی سەرۆكی ئەنجومەنی وەزیران ئەنجامدا.
نوسینگەی ڕاگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی وەزیران محەمەد شیاع سودانی، ئەمڕۆ پێنجشەممە سەرۆكایەتی حەڤدەهەمین دانیشتنی ئاسایی ئەنجومەنی وەزیرانی كرد كە تیایدا بارودۆخی گشتی وڵات تاوتوێكرا و ژمارەیەك دۆسیەی خزمەتگوزاری و ئابووری تاوتوێكران و بابەتەكانی سەر كارنامەكە ڕەچاوكران و بڕیاری پێویست درا.
هەر لە بەیاننامەكەدا هاتووە، ئەنجومەنی وەزیران بەردەوام بوو لە پەرەپێدانی چارەسەر بۆ پڕۆژە دواكەوتووەكان بە ئامانجی دەستپێكردنەوەی كاركردن لەسەریان، بە پشتبەستن بە بەرنامەی حكومەت و جێبەجێكردنی ئەوەی لە بەرنامەی جێبەجێكردنیدا هاتووە، تیایدا ئەمانەی خوارەوەی پەسەند كرد:
یەكەم: زیادكردنی بڕی یەدەگ و كۆی تێچووی پڕۆژەكە (دروستكردنی كۆلێژی زانست و ئاداب لە زوبێر و ئەبی خەسیب، ژمارە 2)، و جەختكردنەوە لەسەر ئەوەی كە پارێزگای بەسرە پێویستە وردبینی لە ئامادەكردنی پڕۆژەكان بەكاربهێنێت و فراوانبوونەكانی داهاتوو لەبەرچاو بگرن.
دووەم: هەمواركردنەوەی بڕیارنامەی ئەنجومەنی وەزیران (24179 ساڵی 2024) سەبارەت بە زیادكردنی تێچووی دروستكردنی ماڵ و شوقەی فێركاری و دامەزراندنی بەشە ناوخۆییەكان، قۆناغی دووەم، لە زانكۆی موسەننا، بەپێی ئەمانەی خوارەوە:
1. زیادكردنی بڕی یەدەگ و كۆی تێچووی پڕۆژەكە (شوقەی پرۆفیسۆرەكان ژمارە 3 و 4).
2. زیادكردنی بڕی یەدەگ و كۆی تێچووی پڕۆژەكە (بەشی ناوخۆیی 7، 8،  9).
سێیەم: پەسەندكردنی ئەمانەی خوارەوە:
1. دروستكردنی پێكهاتەیەك (گەیاندنی كارەبا بۆ پرۆژەی ئاوی دوجەیل/ پارێزگای سەڵاحەدین)، لە چوارچێوەی پێكهاتەكانی (پڕۆژەی ئاوی دوجەیل/ پارێزگای سەڵاحەدین).
2. زیادكردنی كۆی تێچوون و بڕی یەدەگی پڕۆژەكە.
چوارەم: زیادكردنی بڕی گرێبەست بۆ پێكهاتەی (خزمەتگوزاری ڕاوێژكاری و كاری سەرپەرشتیكردن لەسەر پەرەپێدان و چاككردنەوەی شەقامی شەهید ئەبومەهدی موهەندیس، سەربازی ون، و دەروازەكانی ناوچەی سەوز)، بە مەرجێك گرێبەستەكە وەك پێكهاتەیەكی جیاواز حیسابی بۆ بكرێت و لە كۆی تێچووی پڕۆژەكەدا جێگیر بكرێت.
پێنجەم/
1. دروستكردنی پێكهاتەیەك بە ناوی (نۆژەنكردنەوە و پەرەپێدانی ژێرخانی/قۆناغی دووەم) لە قەزای الحی/ پارێزگای واست)، لە چوارچێوەی پێكهاتەكانی (پڕۆژەی ئاوەڕۆی الحی /م1 واست لەگەڵ نۆژەنكردنەوە و پەرەپێدانی ژێرخانی قەزاكە.
2. زیادكردنی تێچووی كۆی ئەو پڕۆژەیەی سەرەوە.
هەروەها لە چوارچێوەی بەدواداچوون بۆ جێبەجێكردنی پڕۆژەكانی میترۆی بەغداد و شەمەندەفەری خێرای نەجەف-كەربەلا، كە لە مانگی شوباتی ڕابردوودا لەلایەن سەرۆك وەزیران ڕاگەیەندرا، ئەنجوومەنی وەزیران بڕیاریدا ئەمانەی خوارەوە:
  یەكەم/ پڕۆژەی میترۆی بەغداد:
1. هەمواركردنەوەی بڕیارنامەی ئەنجومەنی وەزیران (23753 ساڵی 2023) بۆ دڵنیابوون لە بەدیهێنانی ئەمانەی خوارەوە:
ا. دانانی پێوەر بۆ هەڵسەنگاندن و شایستەكردنی وەبەرهێنەران، و لێكۆڵینەوە و شیكردنەوەی ئەو ئۆفەرانەی كە لەلایەن ئەوانەوە پێشكەش دەكرێن تا واژۆكردنی گرێبەستی وەبەرهێنان.
ب. وردبینی و پەسەندكردنی سەرجەم بەڵگەنامە و دیزاینە بەرایی و كۆتاییە وردەكان و كارپێكردنەكان بۆ تەواوی پڕۆژەی میترۆی بەغدا، وردبینیكردنی بەڵگەنامەكانی چاككردنەوە و كارپێكردن، پەسەندكردنی تێچووی پڕۆژەكە كە لەلایەن وەبەرهێنەرانەوە پێشكەش دەكرێت، هەروەها بەڵگەنامە و مەرجەكانی گواستنەوەی خاوەندارێتی.
ج. سەرپەرشتیكردنی جێبەجێكردنی پڕۆژەكە تا دەستپێكردنی ڕاستەقینەی كاركردن.
2. دەسەڵاتدان بە شارەوانی بەغدا بۆ گرێبەستكردن لەگەڵ هاوپەیمانییەكی كۆمپانیای ڕاوێژكاری (HSS)، رەگەزنامەی مالیزی، و كۆمپانیایەكی (CHSS)، رەگەزنامەی ئیماراتی (بەشداری)، وەك ئیستسنایەك لە ڕێنماییەكانی جێبەجێكردنی گرێبەستە حكومییەكان (2 لە ساڵی 2014)، و مەرجەكانی (8 و 16) كە هاوپێچ كراون بۆ ڕێنماییەكانی جێبەجێكردنی گرێبەستەكە بەپێی ئەو قۆناغانەی لە بڕگەی (1)دا هاتووە كە لە سەرەوە باسكراون. 
3. ڕێژەی سەدی كرێی گرێبەستی ڕاوێژكاری (0.6%) دەبێت بۆ دوو قۆناغەكە (هەڵسەنگاندن + وردبینی)، و (1.2%) بۆ قۆناغی چاودێریكردن لە تێچووی سەرەتایی خەمڵێنراوی ئاماژەیی دەبێت، بە مەرجێك ئەو بڕە پارەیەی كە لە باشترین ئۆفەر دواتر پەسەند دەكرێت.
4. دەركردنی پڕۆژەكە لە داواكاری و مەرجەكانی لیستكردن.
5. لایەنی وەبەرهێنەر گەڕانەوەی سەرجەم كرێی گرێبەستی ڕاوێژكاری لە ئەستۆ دەگرێت، كە لە شارەوانی بەغداوە دەدرێت.
6. دەسەڵاتدان بە دەستەی وەبەرهێنانی نیشتمانی بۆ پێدانی مۆڵەت و واژۆكردنی گرێبەستی وەبەرهێنان بۆ كۆمپانیاكانی وەبەرهێنان لە شارەوانی بەغدا و دەستەی وەبەرهێنانی نیشتمانی، بەپێی یاسا و ڕێنماییە كارپێكراوەكان.
دووەم: پرۆژەی میترۆی شەمەندەفەری خێرا نەجەف-كەربەلا:
1. پرۆژەكە بەم شێوەیەیە:
ا. دانانی پێوەر بۆ هەڵسەنگاندن و شایستەكردنی وەبەرهێنەران، و لێكۆڵینەوە و شیكردنەوەی ئەو ئۆفەرانەی كە لەلایەن ئەوانەوە پێشكەش دەكرێن، تا واژۆكردنی گرێبەستی وەبەرهێنان.
ب. وردبینی و پەسەندكردنی سەرجەم بەڵگەنامە و دیزاینە سەرەتایی و كۆتاییەكان و كارپێكردن بۆ تەواوی پڕۆژەی شەمەندەفەری خێرای نەجەف-كەربەلا، وردبینیكردنی بەڵگەنامەكانی چاككردنەوە و كارپێكردن و پەسەندكردنی تێچووی پڕۆژەكە كە لەلایەن وەبەرهێنەرانەوە پێشكەش دەكرێت و بەڵگەنامە و مەرجەكانی گواستنەوەی خاوەندارێتی.
ج. سەرپەرشتیكردنی جێبەجێكردنی پڕۆژەكە تا دەستپێكردنی ڕاستەقینەی كاركردن.
2. دەسەڵاتدان بە وەزارەتی گواستنەوە بۆ گرێبەستكردن لەگەڵ هاوپەیمانییەكی كۆمپانیای ڕاوێژكاری (HSS) رەگەزنامەی مالیزیی، و كۆمپانیای (CHSS)، رەگەزنامەی ئیماراتی (بەشداریكردن)، وەك ئیستسنایەك لە ڕێنماییەكانی جێبەجێكردنی گرێبەستە حكومییەكان (2 لە ساڵی 2014)، و مەرجەكانی (8 و 16) كە هاوپێچ كراون بۆ ڕێنماییەكانی جێبەجێكردنی گرێبەستەكە بەپێی ئەو قۆناغانەی لە بڕگەی (1)دا هاتووە كە لە سەرەوە باسكراون.
3. كرێی گرێبەستی ڕاوێژكاری (0.6%) دەبێت بۆ دوو قۆناغی (هەڵسەنگاندن + وردبینی) و (1.2%) بۆ قۆناغی چاودێریكردنی تێچووی خەمڵێنراوی سەرەتایی ئاماژەیی، بە مەرجێك ئەو بڕە پارەیەی كە لە باشترین ئۆفەردا خراوەتەڕوو دواتر پەسەند بكرێت .
بەخشینی پڕۆژەكە لە داواكاری و مەرجەكانی لیستكردن.
5. لایەنی وەبەرهێنەر لە ئەستۆی گەڕانەوەی سەرجەم كرێی گرێبەستی ڕاوێژكاری دەبێت كە لەلایەن وەزارەتی گواستنەوە/كۆمپانیای گشتی بۆ هێڵی ئاسنی عێراقی دەدرێت. 
6. دەسەڵاتدان بە دەستەی وەبەرهێنانی نیشتمانی بۆ پێدانی مۆڵەت و واژۆكردنی گرێبەستی وەبەرهێنان بۆ كۆمپانیاكانی وەبەرهێنان لە شارەوانی بەغدا و دەستەی وەبەرهێنانی نیشتمانی، بەپێی یاسا و ڕێنماییە كارپێكراوەكان.
لە چوارچێوەی ڕێوشوێنەكانی حكومەت بۆ پاراستنی بەرهەمی ناوخۆیی و پشتگیریكردن لە پیشەسازی نیشتمانی و دڵنیابوون لە دابینكردنی هەلی كار لە پڕۆژە ئابوورییە گرنگەكاندا، ئەنجومەن ڕەزامەندی دەربڕی لەسەر پەسەندكردنی ڕاسپاردەكانی كۆبوونەوەكە كە لە 24ی نیسانی 2024 بەڕێوەچوو، بەم شێوەیە:
1. سەپاندنی باجی گومرگی زیادە بە بڕی (50%) لەسەر هێلكەی هاوردەكراو، جگە لە باجی گومرگی ئەسڵی كە (20%) بوو، كە بەپێی بڕیاری ئەنجومەنی وەزیران  (23672 ساڵی 2023) پەسەندكراوە.
2. پابەندكردنی بەرهەمهێنەران بە دانانی لیبێڵی ستاندارد بۆ بەرهەمەكەیان (ناوی بەرهەم، بەرواری بەرهەمهێنان، و بەرواری بەسەرچوون لەسەر پاكەتی دەرەوە).
3. پابەندكردنی بەرهەمهێنەران بە دانانی بەرواری بەرهەمهێنان و لیبێڵی بەرهەم لەسەر هەر هێلكەیەك، لە ماوەی زۆرترین ماوەی (3 مانگ) لە بەرواری دەرچوونی ئەم بڕیارەوە.
4. ڕێگریكردن لە گواستنەوەی هێلكە كە هەڵگری ئەو لیبڵانە نییە كە لە بڕگەی (2)ی سەرەوەدا ئاماژەی پێكراوە لە نێوان پارێزگاكان.
5. ڕاسپاردنی وەزارەتەكانی بازرگانی و كشتوكاڵ، ئەنجومەنی پێشبڕكێ و خۆپاراستن لە قۆرخكاری، و كۆمەڵەی عێراقی بۆ چاودێریكردنی بەرهەمهێنەرانی پەلەوەر بۆ بەدواداچوون بۆ جێبەجێكردنی بڕیارەكە بەشێوەیەكی بەردەوام، بەمەرجێك ڕاپۆرتی مانگانە پێشكەشی ئەنجومەنی وەزاری ئابووری بكرێت.
6- ئەم بڕیارە لە 2ی ئایاری 2024ەوە جێبەجێ دەكرێت.
بەمەبەستی دڵنیابوون لە سەركەوتنی پڕۆژەی چارەسەركردنی پاشماوە و بەرهەمهێنانی وزەی پاك كە یەكێكە لەو پڕۆژانەی كە سەرنجی حكومەت وەردەگرێت، ئەنجوومەنی وەزیران دەنگی لەسەر بڕیارێك دا كە وەزارەتی كارەبای پابەند كرد بە كڕینی ئەو وزەیەی بە ڕاستیی لەو پاشماوە بەرهەمدەهێنرێت دەسەڵاتی وەبەرهێنانی نیشتمانی بەرپرسیارە لە گشتاندنی توێژینەوەكە كە پەیوەندی بە پڕۆژەی بەرهەمهێنانی كارەباوە هەیە، لە ڕێگەی دەستەی باڵا بۆ هەماهەنگی نێوان پارێزگاكان؛ بۆ ئەوەی بەو پێیە مامەڵە بكات.