ڕاوێژکاری سەرۆک وەزیران: عێراق زیاتر لە 20 ڕێککەوتن لەگەڵ تورکیە واژۆ دەکات
سیاسی
- 22-04-2024, 16:02
به‌غدا-INA - ویسام الملا
ڕاوێژکاری راگه‌یاندنی سەرۆکی ئه‌نجوومه‌نی وەزیران، زیا ئەلنەسری، ئەمڕۆ دووشەممە، راگه‌یاند عێراق زیاتر لە 20 ڕێککەوتن لەگەڵ تورکیا واژۆ دەکات، هاوکات ئاماژە بەوە دەکات کە هەردوو حکومەت ڕێگەچارەی ڕاستەقینە بۆ پرسی ئاو پەرەپێدەدەن.
ئەلنەسری لێدوانێكدا بۆ ئاژانسی هەواڵی عێراقی (INA) ڕایگەیاند: عێراق زیاتر لە 20 ڕێککەوتن لەگەڵ تورکیا واژۆ دەکات وئەم ڕێککەوتنانە لە سێ میحوەری بنەڕەتیدا کورت کراون، کە بریتین لە ئاسایش، ئابووری و ئاو.
ئاماژەی بەوەشکرد چارەسەری ڕاستەقینە لەبواری ئاسایشدا پەرەی پێدەدرێت، کە پێشتر تیشکیان نەخراوەتە سەر و چارەسەر نەکراون، هه‌روه‌ها هەردوو حکومەت چارەسەری ڕاستەقینە وکردەیی وبەردەوام لەبواری ئاودا پەرەپێدەدەن بۆ پاراستنی سەرچاوەکانی ئاو".
ناوبراو وتی" لە بواری ئابووریدا، ڕێگای گەشەپێدان مژاری سه‌ره‌كییه، بەو پێیەی ڕێککەوتنێک واژۆ دەکرێت، كه‌یەکەمینه لە جۆری خۆی، سەبارەت بە پڕۆژەکە و دەستپێکردنی ڕاستەقینەی، ڕوونیشیکردەوە کەگفتوگۆکان نزیکە لە تەواوبوون، بۆیه واژۆکردنی ئەم ڕێککەوتنانە دەبینین.
