ڕاوێژکارێكی حکومەت: له‌سەردانەکەی سەرۆک وەزیراندا بۆ واشنتۆن گرێبەست لەگەڵ کۆمپانیا گەورەکان واژۆده‌كرێت

به‌غدا-INA
ئەمڕۆ دووشەممە، ناسر ئه‌لئه‌سه‌دی ڕاوێژکاری سەرۆکی ئه‌نجوومه‌نی وەزیران بۆ کاروباری گواستنەوە، دووپاتیکردەوە كه‌سەردانەکەی محەمەد شیاع سودانی، سەرۆکی ئه‌نجوومه‌نی وەزیران بۆ واشنتۆن جیاوازە لە هەموو ئەوانەی پێشوو، لە کاتێکدا دووپاتیکردەوە کە سەدان کۆمپانیای ئەمریکی پەیوەندییان بەو باڵیۆزخانەی عێراق له‌واشنتۆن کردووە بۆ کۆبوونەوە لەگەڵ سەرۆک وەزیران، ئاماژەشی كرد کە له‌م سەردانەدا گرێبەست لەگەڵ کۆمپانیا گەورەکان واژۆده‌كرێت.
ئەسەدی، لەلێدوانێکدا بۆ ئەلعێراقییە نیوز، كه‌ئاژانسی هەواڵی عێراقی (INA) وه‌ریگرتووه‌ ڕایگەیاند" سەردانەکەی سەرۆک وەزیران بۆ واشنتۆن زۆر گرنگە و جیاوازە لە هەموو سەردانەکانی سەرۆک وەزیرانی پێشوو بۆ ئەمریکا، چونكه‌ هەمیشە له‌سه‌ردانه‌كانی رابردوودا بایه‌خ به‌پرسەکانی ئاسایش و سوپا و بزووتنەوە سەربازییەکان ده‌درا، بەڵام ئەم سەردانە سەردانێکی 100% تەکنیکییە، و باس لە پرسەکانی تەندروستی، پەروەردە، وزە، گواستنەوە، خزمەتگوزاری، و پیشەسازییە جیاوازەکان، دەرمانسازی، بیناسازی و میکانیکی، و خۆراک ده‌كرێت، جگە لە بوونی بەرنامەیەک کە لە سەردانەکەدا هه‌یه‌ کە تایبەتە بە فرەیی دیموکراسی لە عێراقدا وفرەیی دانیشتوان و پێكهاته‌كانی کۆمەڵگەی عێراقی و پێداویستییەکانیان، جەختیش لەوە کردەوە کە  گرنگی سەردانەکە لەم بابەتانەوە سەرچاوە دەگرێت کە هەمیشە لە ناوخۆدا باس دەکرێن و لە دەرەوە باس ناکرێت”.
ئاماژەی بەوەشکرد" پەیوەندییەکان لەگەڵ ویلایەتە یەکگرتووەکانی ئەمریکا تەنها پەیوەندییە ئەمنییەکان و سوپا و سەربازی نین، شارەزایی جیهانی هەیە کە ئەمریکا خاوەنییەتی و دەتوانرێت بگوازرێتەوە بۆ عێراق، بەتایبەتی لە بوارەکانی فڕۆکەوانی و بەڕێوەبردنی گواستنەوە و بەڕێوەبردنی گەشتوگوزار وكه‌رتی بانکی لە کۆمپانیاکانی بیمەدا."
هه‌روه‌ها راگه‌یاند" ئەمریکا وڵاتێکی گەورەیە و خاوەن توانا و شارەزایی گەورەی جیهانییە، عێراق پێویستی بە پەرەپێدانی کەرتی فڕۆکەوانی هەیە لەڕووی پشکنەر و سیستەمی فڕۆکەوانی مەدەنی و ڕاهێنانی فڕۆکەوان و کارمەندانی هێڵی ئاسمانی عێراقی و دەسەڵاتی فڕۆکەوانی مەدەنی لە فڕۆکەخانەکانی عێراق ، هەروەها شێوازی بەڕێوەبردنی فڕۆکەخانەکانی عێراق، و هەربۆیە پێویستە  ئەم ئەزموونە بگوازرێته‌وه‌ و سوود لێی وه‌ربگیرێت بەهۆی پەیوەندی بەهێزمان لەگەڵ ئەمریکا.
هێمای بۆ ئەوەش کرد کە کەرتی نوێ هەن کە هاتوونەتە ناو بازاڕی عێراقەوە، لەوانە کەرتی گواستنەوەی میترۆ و کەرتی گواستنەوەی گشتی بە بەکارهێنانی چەند شێوازێک، هەربۆیە ئەو تەکنەلۆجیایەی لە ئەمریکا هەیە دەبێت بەشێوەیەکی سەردەمیانە و پێشکەوتوو بگوازرێتەوە بۆ عێراق و سوودمەندبوون لێی لە ڕێگەی ڕاهێنان و پەرەپێدانی پەیوەندی لەگەڵ ئامرازەکانی گواستنەوە لە ئەمریکا، كه‌ئەمە لە ڕێگەی گواستنەوەی تەکنەلۆژیا بۆ عێراق و دواتر بەڕێوەبردنی و وەبەرهێنان لە بواری گواستنەوە بۆ بەڕێوەبردنی کەرتی گواستنەوە ئەنجام دەدرێت.
ناوبراو لە درێژەی قسەکانیدا وتی: دیدارێکمان لەگەڵ کەرتی تایبەت لە عێراق هەبوو، سبەینێ و ڕۆژی دوای سبەی لەگەڵ کەرتی تایبەتی ئەمریکی کۆبوونەوە هەیە، و دەبێت کارلێک لە نێوان ئەو دوو کەرتەدا هەبێت بۆ ئەوەی شۆڕشێکی ئابووری لە ناوخۆی عێراقدا بنیات بنرێت،و جەختیش كرده‌وه‌ لەسەر پێویستی ڕووکردنە کەرتی تایبەت و پەرەپێدانی بۆ یارمەتیدانی حکومەت لە خێراکردنی کارەکان".
ئاماژه‌ به‌وه‌شدا كه‌حکومه‌ت پرۆژه‌ی میترۆی به‌غدای بۆ وه‌به‌ڕهێنان پێشنیاز کردووه ، و به‌م شێوه‌یه که‌ڕتی تایبه‌تی به‌شداری کرد له‌م پرۆسه‌یه، به‌تایبه‌تی که که‌ڕتی تایبه‌ت ئه‌و که‌ڕته‌یه که گه‌شه‌ به‌وڵات ده‌دات و ده‌ستێكی سه‌ڕه‌وه‌ی هه‌یه له فراوانکردنی وه‌به‌ ڕهێناندا و بۆیه ده‌بێت حکومه‌ت یارمەتی کەرتی تایبەت بدات و دەرفەتەکان بۆی بره‌خسێنێت.
ئاماژەی بەوەشکرد" كه‌سەدان کۆمپانیای ئەمریکی پەیوەندییان بە باڵیۆزخانەی عێراقەوە کردووە بەمەبەستی کۆبوونەوە لەگەڵ سەرۆک وەزیران، ئەمە جگە لەو گرێبەستانەی کە لەگەڵ کۆمپانیا گەورەکان لە ئەمریکا واژۆ دەکرێن، وئێستا  دەڕۆین، لەڕێگای باڵیۆزخانەكه‌مان و به‌شی بازرگانیه‌كه‌ی، ده‌رۆین بۆ کردنەوەی دەرفەت بۆ کۆمپانیا ئەمریکییەکان بۆ ئه‌نجامدانی وەبەرهێنان لە عێراق لە ڕێگەی کەرتی تایبەتی عێراقەوە.
دووپاتیشی کردەوە كه‌پێویستی دروستکردنی هاوبەشییەک لەنێوان ئەو کەرتانەدا بۆ پەرەپێدانی کەرتی بانکی لە عێراق هه‌یه‌، بەو پێیەی هیچ وەبەرهێنەرێک ناتوانێت بە کەرتی بانکی لاوازەوە بچێتە عێراقەوە، بۆیە فەزای گەورە تەرخانکراوە بۆ گفتوگۆکردن لەسەر ئەم کەرتە، جگە لە کۆمپانیاکانی بیمە وپاراستنی خاوەندارێتی فیکری، بۆ پێشخستنی عێراق وگه‌یاندنی به‌ئاستی ئه‌و وڵاتانه‌ی كه‌ئاماده‌ی وه‌به‌رهێنانن. 
دووپاتیشی کردەوە کە سەردانەکەی سەرۆک وەزیران بۆ واشنتۆن، و نیازی فراوانکردنی دیدارەکانی لەگەڵ چەند گروپێک لەناو کەرتی وەبەرهێنانی ئەمریکیدا، دەرگایەکی گەورە بۆ کەرتی تایبەتی عێراق دەکاتەوە، ئێمەش دەرفەت و ئەولەویەتمان داوە بە پەرەپێدانی ئەو خزمەتگوزارییە گرنگە، لەوانە پیشەسازییەکانی دەرمان، بیناسازی و خۆراک کە بەشدارن لە پەرەپێدانی بنکەی ئابووری لە وڵاتەدا وهەلی کاری گەورە بۆ گەنجانی عێراق دەڕەخسێنێت کە لە ئێستادا بێکارن."
لە کۆتاییدا وتی: گرنگی ئەم سەردانە لەوەدایە کە سەردانێکی ئاسایی نییە، بەڵکو سەردانێکی لەسەدا سەد ئابوری و تەکنیکییە کە ڕێگا بۆ هەموو کەرتە عێراقییەکان و غەیرە عێراقییەکان دەکاتەوە بۆ ئەوەی لە ڕووی ئابوورییەوە گەشە به‌وڵات بکەن.