وەزارەتی بازرگانی دابەشکردنی وەجبەی سێیەمی ئارد ڕادەگەیەنێت

ناوخۆ

14-04-2024, 14:30

+A -A

بەغداد-INA
ئەمڕۆ یەکشەممە،وەزارەتی بازرگانی روونکردنەوەیدا لەبارەی میکانیزمی پشکنینی ئاردی بەرهەمهێنراوی ناوخۆی ،هاوکات ئاماژەی بەوەدەکات کە بەرهەمهێنان و دابەشکردنی ئارد تەنانەت لە پشووی فەرمیشدا بەردەوام دەبێت.
"موحسین نامس"بەڕێوەبەری گشتی کۆمپانیای بەرهەمهێنانی دانەوێڵە،بە ئاژانسی هەواڵی عێراقی (INA)ی ڕاگەیاند:کۆمپانیای گشتی بۆ بەرهەمهێنانی دانەوێڵە دەستیکردووە بە بەرهەمهێنان و دابەشکردنی ئارد بەسەر بریکارەکاندا، دواتریش بەسەر هاووڵاتیاندا و کارکردن بۆ بەرهەمهێنانی پشکی سێیەم بەردەوامە.
ووتیشی: تیمەکانی چاودێری ڕۆژانە سەردانی ئاش و کارگەکانی بەغدا و سەرجەم پارێزگاکان دەکەن بەمەبەستی چاودێریکردنی بەرهەمهێنان و دابەشکردن،و وەرگرتنی نمونەی ئاردی بەرهەمهێنراو و پشکنینی لە تاقیگەکانی کۆمپانیاکەدا.
ڕاشیگەیاند: رێژەی پشکی سێیەمی بەرهەمهێنان لە کارگەکانی حکومی و ئەهلیدا گەیشتۆتە 10% و تەنانەت بەرهەمهێنان و دابەشکردنی ئارد لە پشووی فەرمیشدا بەردەوام دەبێت.