سەرۆك وەزیران: حكومەت بە هەموو ئاراستەكان كاردەكات و سەقامگیریش بە هۆی خوێنی شەهیدان بەدیهاتووە

بەغداد - INA
 چوارشەممە، سەرۆكی ئەنجومەنی وەزیران محەمەد شیاع سودانی، تەئكیدیكردەوە: كە حكومەت بە هەموو ئاراستەكان كاردەكات و سەقامگیریش لە سایەی خوێنی شەهیداندا بەدیهاتووە.
نوسینگەی راگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەمڕۆ چوارشەممە، سەرۆكی ئەنجومەنی وەزیران محەمەد شیاع سودانی، پێشوازیكرد لە وەزیرەكان و سەرۆكی دەستەكان و بریكارەكانی وەزارەتەكان و فەرماندە سەربازی و ئەمنییەكانی پێكهاتە و پۆلە جیاوازەكانی هێزەچەكدارەكانمان، هەروەها سەرۆكی یەكێتی و سەندیكاكان، و ژمارەیەك لە شێخ و كەسایەتییە ناودارەكانی عەشیرەتەكان لە پارێزگای بەغدا، بە بۆنەی جەژنی جەژنی ڕەمەزانی پیرۆزەوە.
ئاشكراشیكرد: سەرۆك وەزیران پیرۆزبایی لەگەڵ خۆشەویستانی ئاڵوگۆڕ كرد، لە خوای گەورە پاڕایەوە عێراق و عێراقییەكان بپارێزێت و نیعمەتی ئاسایش و سەقامگیری بە نیشتمان و گەلەكەمان ببەخشێت.


هەر بەپێی بەیاننامەكە، سەرۆك وەزیران جەختیكردەوە: كە ئاسایش و سەقامگیری پێویستی بەوەیە دەوڵەت بەرهەمدار و سەقامگیر بێت و ئەركەكانی بە شێوەیەكی دروست جێبەجێ بكات، و وتیشی: حكومەت قۆناغ بە قۆناغ كار لەسەر ئەو سوودانە دەكات،و لە سەرەتای كارەكانیشدا سەرنجی لەسەر خزمەتگوزارییەكان بوو، بەمەبەستی دڵنیاكردنەوەی هاوڵاتیان لە جددیەتی و پابەندبوونی حكومەت بە بەرنامەكەی.
سودانی دووپاتیكردەوە: كە ئەم حكومەتە بە یەك ئاراستە كار ناكات، بەڵكو كۆمەڵێك دۆسیەی هەیە بە هەموو ئاراستەكاندا، لەوانەش پرسە گرنگەكانی پەیوەست بە ڕاستكردنەوەی ڕێگا ئابوورییەكانی دەوڵەت، بەو پێیەی كار لەسەر چارەسەركردنیان دەكات و  كە لە داهاتوودا كاریگەرییەكی گەورەی لەسەر دەوڵەت دەبێت.
هاوكات سەرۆك وەزیران، ئاماژەی بە هەوڵەكانی حكومەت كرد، بۆ پڕچەككردن و مۆدێرنكردنی سوپای عێراق و هێزە چەكدارەكان، هەروەها بۆ پەرەپێدانی خزمەتگوزارییە ئەمنییەكانی ناوخۆ، و جەختیشیكردەوە: كە بەرزكردنەوەی دڵنیایی لە كاری دامودەزگا خزمەتگوزارییەكان و وەزارەتەكاندا هاوتا دەبێت لەگەڵ دڵنیایی لای وەبەرهێنەران و بازرگانانی ناوەوە و دەرەوە عێراق، و وتیشی: ئەو ئاسایش و سەقامگیرییەی هەیە لە سایەی خوێنی شەهیدان و قوربانیدانەكانیان بە دیهاتووە.