وەزیری کۆچبەران: لە ٣٠ی تەمموزی داهاتوودا مەلەفی ئاوارەبوون بە تەواوی دادەخرێت

به‌غدا-INA
ئەمڕۆ دووشەممە، ئیڤان فایق جابرۆ، وەزیری کۆچ و کۆچبەران، دووپاتیکردەوە کە لە ٣٠ی تەمموزدا مەلەفی ئاوارەبوون بە تەواوی دادەخرێت.
وەزارەتی كۆچ وكۆچبه‌ران لەراگه‌یه‌ندراوێکدا، کە بۆ ئاژانسی هەواڵی عێراقی (INA) ناردووە وتێدا هاتووه‌" ئەمڕۆ وەزیری کۆچ و کۆچبەران، ئیڤان فایق جابرۆ، لەگەڵ بەدر ئەلفه‌حل، پارێزگاری سەلاح الدین، لە بارەگای پارێزگا، بە ئامادەبوونی جێگری سەرۆکی ئەنجومەنی پارێزگا و بەڕێوەبەری گشتی پەروەردەی سەلاح الدین كۆبووه‌، و لە میانی کۆبوونەوەکەدا، بارودۆخی خێزانەکان و گەڕانەوە لەناو پارێزگا و ڕێگاکانی پشتیوانیکردنیان و دابینكردنی هەموو پێداویستیەکانی ژیانێکی شایستەیان بۆ دابین تاوتوێ کرا.
هەروەها لە کۆبوونەوەکەدا گفتوگۆکرا لەسەر پلانی داخستنی کەمپەکانی ئاوارەكان و جێبەجێکردنی ئەو ڕاسپاردانەی کە لەلایەن ئەنجومەنی وەزیرانەوە پەسەندکراون بۆ پاڵپشتیکردنی سەقامگیری لە بواری گەڕانەوە و ئامادەکردنی زەمینەی گونجاو بۆ گەڕانەوەیان، بەتایبەتی جێبەجێکردنی بڕیاری تەرخانکردنی لەسەدا ٢ی دامەزراندنەکان بۆ گرێبەستی په‌روه‌رده‌ لە پارێزگاکەدا.
له‌گۆڕ راگه‌یه‌ندراوه‌كه‌ جابرۆ دووپاتیکردەوە کەوەزارەتی کۆچبەران بەردەوامە لە هەوڵەکانی بۆ کۆتاییهێنان بە تەواوەتی فایلی ئاوارەبوون لە وڵاتدا بەپێی ئەوەی کە پلانی بۆ دانرابوو كه‌ رۆژی ٣٠ی تەمموزی داهاتوویه‌، ئاماژەی بەوەشکرد کە ڕۆژانی داهاتوو دوا كاروانی ئاواره‌كان له‌ سلێمانی ده‌گه‌رێته‌وه‌ بۆ سه‌ر شوێنی ره‌سه‌نی خۆیان و پارێزگای سلێمانی به‌ته‌واوی لە خاڵی بوونی کەمپەکانی ئاواره‌كان ڕادەگەیەنرێت.