ئاوەدانكردنەوە و شارەوانیەكان تەواوبوونی دانانی 550 هەزار پێوەری ئاو ڕادەگەیەنێت

بەغداد  - INA- حەسەن فواز
ئەمڕۆ پێنجشەممە، وەزارەتی ئاوەدانكردنەوەو نیشتەجێكردن و شارەوانییە گشتیەكان، دانانی 550 هەزار پێوەری ئاوی بۆ كۆكردنەوەی ئەلیكترۆنی ڕاگەیاند، لە كۆی دوو ملیۆن و 500 هەزار كە گرێبەستیان لەگەڵ ئیئتیلافی كۆمپانیاكان كردبوو.
بەڕێوەبەری گشتی بەڕێوەبەرایەتی گشتی ئاو لە وەزارەت عەممار عادل مالیكی، بەئاژانسی هەواڵی عێراقی ڕاگەیاند: وەزارەت گرێبەستی لەگەڵ ئیئتیلافی كۆمپانیاكان كرد كە لەلایەن بانكی ئیسلامیی باشور پارەیان بۆ دابین دەكرێت بۆ ماوەی سێ ساڵ، بەو گرێبەستە دانانی 2 ملیۆن و 500 هەزار پێوەری باجی ئەلیكترۆنی كراوە، دانانی 550 هەزاریان تەواو بووە.
ئاماژەی بۆ ئەوەشكرد: پڕۆژەكە لە 8 پارێزگا تەواو بوو، ئێستاش چووینە ناو پارێزگاری نۆیەمەوە.
ڕوونیشیكردەوە: ئەم پڕۆژەیە سوودی زۆری هەیە، لە پێش هەموویان كەمكردنەوەی بەكارهێنانی ئاو، هەروەها كەمكردنەوەی گەندەڵی كارگێڕی و دارایی، بەو پێیەی كۆكردنەوە بە ئەلیكترۆنی دەبێت.
ئاشكراشیكرد: پلانەكە تەواوكردنی 5 ملیۆن پێوەر لە ماوەی 15 ساڵدا لەخۆدەگرێت، و وتیشی: پڕۆژەكە بەفیڕۆدان لە بەكاربردندا لەناو دەبات، چونكە خوێندنەوەكانی كۆكردنەوەی ئەلیكترۆنی دروست دەبن.