وەزیری ئاوەدانكردنەوە: سەرۆك وەزیران بە وردی بەدواداچوون بۆ سەرجەم پڕۆژەكان دەكات
ناوخۆ
- 4-04-2024, 01:56
بەغدا - INA
ئەمڕۆ چوارشەممە، بەنگین رێكانی، وەزیری ئاوەدانكردنەوە و نیشتەجێكردن پشتڕاستی كردەوە كە محەمەد شیاع سودانی سەرۆكی ئەنجومەنی وەزیران بە وردی بەدواداچوون بۆ سەرجەم پڕۆژەكان دەكات و ئاراستەی نەهێشتنی ئاستەنگەكانی بەردەمیان دەكات.
ڕیكانی لە میانەی كردنەوەی پردی قورتبە لە ناوچەی باب شەرقی لە ناوەڕاستی بەغدا كە پەیامنێری ئاژانسی هەواڵی عێراقی (INA) ئامادەی بوو، رایگەیاند: سوپاس و پێزانینی خۆم ئاراستەی سەرۆك وەزیران دەكەم بۆ پاڵپشتی ڕاستەوخۆی پڕۆژەی پردی قورتبە".
ئاماژەی بەوەشكرد، "پڕۆژەكان پێش وادەی دیاریكراو و بە پاڵپشتییەكی زۆر لەلایەن سەرۆك وەزیرانەوە كرایەوە".
ڕێكانی لە درێژەی قسەكانیدا وتی، "سەرۆك وەزیران بە وردی بەدواداچوون بۆ سەرجەم پڕۆژەكان دەكات و ئاراستەی لابردنی ئاستەنگەكانیان دەكات ".
