بازرگان ڕێوشوێنەکانی خۆی بۆ پاڵپشتیکردنی هەناردەکردنی بەرهەمە عێراقییەکان ڕادەگەیەنێت

به‌غدا-INA - ئامینە سەلامی
ئەمڕۆ دووشەممە، وەزارەتی بازرگانی ڕێوشوێنەکانی خۆی بۆ هاندانی هەناردەکردنی بەرهەمە عێراقییەکان و پاڵپشتیکردنی هەناردەکارانی عێراق ڕاگەیاند، هاوکات ئاماژە بە دابینکردنی قەرز و بەخشینەکانیان بۆ کرد.
بەڕێوەبەری گشتیی کۆمپانیای پێشانگاکان و سەرۆکی لیژنەی سندوقی پاڵپشتی هەناردەکردن لە وەزارەتی بازرگانی، مستەفا ئەلعانی، بە ئاژانسی هەواڵی عێراقی (INA)ی ڕاگەیاند: کۆمپانیای گشتی بۆ پێشانگە و خزمەتگوزارییە بازرگانییەکان لە ڕێگەی سندوقی پاڵپشتی هەناردەکردنەوە پاڵپشتی هەناردەکاران دەکات لە ڕێگەی قەرز و یارمەتییەکان، هەروەها بە ئاسانکردنی ڕێکارەکان بە وەرگرتنی سیستەمی ئەلیکترۆنی لە دەرکردنی مۆڵەتی هەناردەکردن.
عانی ئاماژەی بەوەشکرد كه‌کۆمپانیاکە پشتگیری دەکات لەڕێگەی بەشداریکردن لە هەڵگرتنی تێچووی بەشداریکردن لە پێشانگە نێودەوڵەتییەکان کە لە وڵاتان بەڕێوەدەچێت، لەڕێگەی پێدانی تێچووی بەکرێدانی شوێنی پێشانگە بەکرێگیراوەکان و کرێی گواستنەوە بۆ ئەو کاڵایانە کە بۆ نمایشەکە تەرخانکراون".
لە درێژەی قسەکانیدا وتی" چەندین کۆبوونەوە هەیە لەلایەن وەزیری بازرگانی، عثیر داود الغورەیری، لەگەڵ هەناردەکارانی پیشەسازی و ئەوانی تر بۆ تێپەڕاندنی ئەو سەختی و ئاستەنگانەی کە ڕووبەڕوویان دەبێتەوە لە ڕێکارەکان و ئەوانی تردا، جا ئەوانە بێت کە دەتوانرێت لە ڕێگەی وەزارەتەوە چارەسەر بکرێن یان لە ڕێگەی ئەوانەوە ئەنجومەنی وەزیران بۆ ئابووری چاره‌سه‌ریان بكات”.