لەپەیامێکدا سه‌رۆكى هه‌رێمى كوردستان پيرۆزبايى له حزبى شيووعيى عێراق و كوردستان ده‌كات
سیاسی
- 31-03-2024, 12:30
بەغداد-INA
ئەمرۆ یەک شەممە " نیچیرڤان بارزانی" سەرۆکی هەرێمی کوردستان بەبۆنەی دامەزرانی هەردوو حزبی شیوعی عێراقی و کوردستانی پەیامێکی پیرۆزی ئاراستەی هەردوو حزب کرد .
سەرۆکایەتی هەرێمی کوردستان لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی ،
تیایدا پەیامێکی "نیچیرڤان بارزانی " سەرۆکی هەرێمی کوردستانی بەبۆنەی ساڵیادی دامەزراندنی هەردوو حزبی شیوعی عێراقی و کوردستانی بڵاو کردۆتەوە کە ئەمەی خوارەوە دەقەکەیەتی :-
ئه‌مڕۆ 31ى ئازار، پيرۆزباييى يادى دامه‌زراندنى هه‌ردوو حزبى شيووعيى عێراق و كوردستان، له سه‌ركردايه‌تيى هه‌ردوو حزب و ئه‌ندامان و جه‌ماوه‌ر و لايه‌نگرانيان له عێراق و هه‌رێمى كوردستان ده‌كه‌م، هيواى به‌ره‌وپێشچوون و سه‌ركه‌وتنى به‌رده‌واميان بۆ ده‌خوازم.
له‌م ياده‌دا به پێزانينه‌وه له مێژووى خه‌بات و تێكۆشان و ڕۆڵى نيشتمانيى هه‌ردوو حزب له عێراق و هه‌رێمى كوردستان و ئاماده‌يى و به‌شدارييان له بزووتنه‌وه و ژيانى سياسيدا ده‌ڕوانين، هه‌روه‌ها به ڕێزه‌وه يادى هه‌موو ئه‌و تێكۆشه‌رانه‌يان ده‌كه‌ينه‌وه كه ته‌مه‌نێكى درێژيان بۆ خزمه‌تكردن به گه‌ل و نيشتمان له ڕيزه‌كانى حزبى شيووعيدا به‌سه‌ر برد.
سڵاو له گيانى شه‌هيدانى حزبى شيووعى و ته‌واوى شه‌هيدانى كوردستان.
نێچيرڤان بارزانى
سه‌رۆكى هه‌رێمى كوردستان
