سەرۆک وه‌زیران: کۆتاییهێنان بە بوونی هاوپەیمانی نێودەوڵەتی لە گرنگترین فایلەکانە کە خستوومانەتە ناو بەرنامەی حکومەت

به‌غدا-INA
دوێنێ، محەمەد شیاع سودانی  سەرۆکی ئه‌نجوومه‌نی وەزیران، پشتڕاستی کردەوە کە کۆتاییهێنان بە ئامادەبوونی هاوپەیمانی نێودەوڵەتی لە گرنگترین بابەتەکانە کە حکومەت لە بەرنامەکەیدا پەسەندی دەکات.
سودانی لە وتارێکدا کە بە بۆنەی ٤٣ ساڵەی دامەزراندنی ڕێکخراوی بەدر پێشکەشی کرد، و دواتر ئاژانسی هەواڵی عێراقی (INA) وه‌ریگرت، ڕایگەیاند" ڕێکخراوی بەدر لە شەڕی دژی تیرۆردا باشترین پیاوەکانی خۆی پێشکەش کرد وسەرکردەکان وەک شەهید بە مەبەستی چەسپاندنی ئەو دەستکەوتانەی کە لە چوارچێوەی سیستەمێکی دیموکراسی فرەییخوازانەدا بەدەست هاتوون کە ئازادی و مافەکان زامن دەکات.
ئاماژەی بەوەشکرد كه‌لەو کاتەوەی بەرپرسیارێتی پێکهێنانی حکومەتمان لەئەستۆ گرتووە، دوای چەقبەستوویی سیاسی، هەوڵەکانمان بۆ پاراستنی ئەو نەگۆڕ و دەستکەوتانە تەرخانکردووە، بەدواداچوونی چەقبەستوویی سیاسیشمان، و تامەزرۆی ئەوە بووین حکومەتەکەمان نوێنەری هەموو پێکهاتەکان و مەزهەبەکان بێت، بەبێ جیاوازی یان لایەنگری، و کارکردن بۆ خزمەتکردنی هەموو عێراقییەکان، وەک ئەوەی ئێمە ناومان ناوەمان ناوه‌ حکومەتی خزمەتگوزاری نیشتمانی، چونکە گەلەکەمان زۆر سەبریان هەبووە لەکاتێکدا چاوەڕێی ئێمە دەکەن بۆ باشترکردنی خزمەتگوزاری و بارودۆخی ژیانیان.
سودانی لە درێژەی قسەکانیدا وتی" کۆمەڵێک ئەولەویەتمان لە بەرنامەی حکومەتەکەماندا داناوە، کە هەمان پێداویستییە سەرەتاییەکانی هەموو عێراقییەکن، بەردەوام دەبین لە کارکردن بۆ بەدیهێنانی چاکسازیی هەمەلایەنە لە هەموو سێکتەرەکاندا، هەروەها بەرەنگاربوونەوەی گەندەڵی دارایی و ئیداری کە پڕۆژەکانی پەکخستووە و سامانی وڵات بەفیڕۆچوو.
جەختیشی لەوە کردەوە" زۆرێک لە ئامانجەکانی پابەندبوونمان بە پێشکەشکردنی خزمەتگوزاریی هەمەلایەنە و تەواوکردنی ئەو پڕۆژانەی کە وەستابوون و دواکەوتبوون، بەدیهێناین، هەڵبژاردنی ئەنجومەنی پارێزگاکانمان لە کەشێکی سەقامگیر و بارودۆخێکی سەلامەتدا ئه‌نجامدرا، هیوادارین هەموو ئەو هێزانەی کە حکومەتە ناوخۆییەکان پێکهێناوه‌ بە ڕۆحی یەک تیم کاربکەن و ناکۆکییە سیاسییە بەردەوامەکان واڵا بنێن.
سه‌رۆك وه‌زیران ئاماژەی بەوەشکرد" ئەنجومەنی پارێزگاکان ئەڵقەیەکی گرنگن لە گۆڕینی سیستەمی کارگێڕی بەرەو لامەرکەزی کارگێڕی، لەسەر بنەمای دەستوور. حکومەتمان کاری کردووە بۆ نەهێشتنی قەیرانی ناوخۆ و دەرەکی، پەیوەندی لەگەڵ هاوپەیمانی نێودەوڵەتی بگوازێتەوە بۆ فۆرمێکی نوێ، و کۆتایی بە بوونی خۆی بهێنێت لە نێوان گرنگترین فایلەکاندا کە کارمان لەسەر کردووە، و لە بەرنامەی حکومەتدا پشتڕاستمان کردەوە.
هه‌روه‌ها راگه‌یاند" ئەو تەحەددایانەی ئەمڕۆ ڕووبەڕوومان دەبنەوە، پێویستی بە یەکگرتنی هەموو هێزە سیاسییەکان هەیە و هاوکاربن لەپێناو بەزاندنی کەناراوەکانی ئاسایش و گەشەپێدان، بەو پێیەی حکومەتەکەمان پڕۆژەی گەورەی ئابووری و گەشەپێدانی دەستپێکردووە، هەروەها سەقامگیری سیاسی و ئەمنی عێراق دەکاتە شوێنێکی سەرنجڕاکێش و ژینگە بۆ ئاوەدانکردنەوە و وەبەرهێنان لەلایەن کۆمپانیا گەورە نێودەوڵەتییەکان، و پاراستنی سەقامگیری گرنگە لە عێراقدا بەرپرسیارێتی هەموو هێزە سیاسییەکانە.
له‌كۆتایی دا وتی" فەلەستینییەکان لە غەززە، چەند مانگێکە، تووشی ترسناکترین کوشتن و وێرانکاری بوونه‌ لەسەر دەستی هێزە داگیرکەرەکان، لە بەرامبەر بێدەنگییەکی شەرمەزارکەری نێودەوڵەتی و وازهێنان لە بەرپرسیارێتییە ئەخلاقییەکان لەلایەن زلهێزەکانەوە.