کەشناسی كاتی كه‌مبوونه‌ه‌ی شەپۆلی باران بارین دیاری دەکات
ناوخۆ
- 19-03-2024, 19:00
به‌غدا-INA - نەسار ئەلحەج
ئەمڕۆ سێشەممە، دەسته‌ی کەشناسی وادەی کەمبوونەوەی شەپۆلی بارانبارینی ئێستای دیاریکرد، هاوکات ڕادەی کاریگەرییەکانی لەسەر بارودۆخی کەشوهەوای عێراق ڕوونکردەوە.
بەڕێوەبەری ڕاگەیاندنی دەسته‌ی کەشناسی، عامر ئەلجابری، بە ئاژانسی هەواڵی عێراقی (INA)ی ڕاگەیاند: لە ماوەی دوو ڕۆژدا بەهۆی تێکەڵبوونی دوو شه‌پۆلی کە لە دەریای سوور و دەریای ناوەڕاستەوە دێن و کاریگەرییەکانیش کاریگەرییان لەسەر وڵات بووه، بەو پێیەی بارانێکی مامناوەند بۆ توند و بەخوڕ لە هەموو ناوچەکانی وڵاتدا باریوە، بەتایبەتی له‌باکور و ڕۆژهەڵاتی وڵات.
ئاماژه‌ی به‌وه‌شدا كه‌لە ڕۆژهەڵاتی دیالە و لە نەینەوا بارانی بەخوڕ باریوه، هەروەها هەورەبروسکە لە ژمارەیەک ناوچە ڕوویداوە، لەنێویاندا سەڵاح الدین، هاوکات لافاو لە دۆهۆک بەهۆی بارانبارینی زۆرەوە ڕوویداوە.
ئەلجابری دووپاتی کردەوە کە نابێت هاووڵاتیان لەو ناوچانەی لافاو زیانیان بەرکەوتووە ئامادەبن و لە ماڵەکاندا بمێننەوە لەو ناوچانەی کە بەهۆی بارانبارینی بەخوڕەوە زیانیان بەرکەوتووە تا ئەو کاتەی شەپۆلی بارانبارین کۆتایی دێت.
سەبارەت بە وادەی کۆتایی هاتنی، ڕوونی کردەوە" سبەی چوارشەممە، كاریگه‌ری ئه‌م شه‌پۆله‌ی هه‌ور و هەوا لە ناوچەکانی ناوەڕاست و باشوور كه‌م دەبێته‌وه، به‌ڵام لە ناوچەکانی باکوور ئه‌گه‌ر بارینی بارانی سووك هه‌ر هەیە.
سەبارەت بەو هەورانەی کە بەردەوامن لە داپۆشینی بەرگەهەوای ئەو وڵاتە، ئەلجابری ڕوونیکردەوە" هەندێکیان هەوری کومولوسی چڕن و لە ئەنجامدا ڕەشەبا و بارودۆخی دیکە لە ئەنجامی ناسەقامگیری لە بەرگەهەوادا دروست دەبێت، لە شێوەی (سندان دەردەکەون ) وهەندێکیان زۆر نزمن”.
