تیروپشكی چامپیۆنزلیگی ئەوروپا ڕووبەڕووبوونەوەی ئاگرینی لێدەكەوێتەوە

بەدواداچوون  -  INA
دوانیوەڕۆی ئەمڕۆ هەینی تیروپشكی قۆناغی چارەكی كۆتایی چامپیۆنزلیگ بەڕێوەچوو، لە ئەنجامدا ڕووبەڕووبوونەوەی ئاگرین لە نێوان گەورەترین یانە ئەوروپییەكان روودەدات،دیارترینیان لەنێوان مانچستەر سیتی ئینگلتەرا و ڕیاڵ مەدریدی ئیسپانی بوو.
تیرپشكی یارییەكانی قۆناغی چارەكی كۆتایی چامپیۆنزلیگ بەمشێوەیە :
ئارسناڵ، ئینگلتەرا - بایرن میونشن، ئەڵمانیا
ئەتلەتیكۆ مەدریدی ئیسپانی - بروسیا دۆرتمۆندی ئەڵمانی
ڕیاڵ مەدریدی ئیسپانی - مانچستەر سیتی ئینگلتەرا
پاریس سانجێرمان، فەرەنسا - بەرشەلۆنە، ئیسپانیا
هەروەها یەكێتی تۆپی پێی ئەوروپا تیروپشكی بۆ یارییەكانی قۆناغی پێش كۆتایی ئەنجامدا كە بەم شێوەیە دەبێت :
براوەی یارییەكە (ئەتلەتیكۆ مەدرید - بروسیا دۆرتمۆند) بەرامبەر براوەی (پاریس سان جێرمان - بەرشەلۆنە) یاری دەكات.
براوەی یاری (ئارسناڵ - بایرن میونشن) بەرامبەر براوەی (ریال مەدرید - مان سیتی) یاری دەكات.
یارییەكانی قۆناغی چارەكی كۆتایی كاتژمێر چەندە؟
یارییەكانی قۆناغی چارەكی كۆتایی بەسستەمی چوون وهاتن بەرێوەدەچێت و یارییەكانی قۆناغی یەكەم لە ڕۆژانی 9 و 10ی نیسان بەڕێوەدەچێت، یارییەكانی گەڕانەوەش لە ڕۆژانی 16 و 17ی نیسان بەڕێوەدەچێت.
جێگای ئاماژەیە یاری كۆتایی پاڵەوانێتییەكە لە یاریگای وێمبڵی لە لەندەن بەڕێوەدەچێت لە یەكەمی حوزەیرانی داهاتوو.