وەزیری ناوخۆ: ئاسایش تەنها بە هەماهەنگی تەواو لەگەڵ كۆمەڵگا و دامەزراوە كۆمەڵایەتییەكاندا بەدی دەهێنرێت

بەغداد - INA
ئەمڕۆ چوارشەممە، وەزیری ناوخۆ عەبدولئەمیر شەمەری، رایگەیاند: ئاسایش تەنها بە هەماهەنگی تەواو لەگەڵ كۆمەڵگا و دامەزراوە كۆمەڵایەتییەكاندا بەدی دەهێنرێت.
وەزارەت لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هاوكات لەگەڵ هاتنی مانگی پیرۆزی ڕەمەزان، وەزیری ناوخۆ عەبدولئەمیر شەمەری، خوانێكی بەربانگی بۆ سەركردە و ئەفسەرانی وەزارەت سازكرد، لەسەرەتادا پیرۆزبایی لە سەرجەم فەرمانبەرانی وەزارەت و گەلی شانازیمان كرد بە بۆنەی هاتنی مانگی رەمەزانی پیرۆز.
وەزیر داوایكرد، ئەفسەر و فەرمانبەرانی وەزارەت مانگی ڕەمەزان وەك وەرچەرخانێكی ئەرێنی بۆ كاركردن بە ئاراستەی جۆراوجۆر وەربگرن.
جەختیشیكردەوە: پێویستە بەرپرس لە خێزانەكەی نزیك بێت و گوێیان لێبگرێت، هەروەها دەرگاكانی بەڕووی هەموو لایەكدا كراوە بن، و وتیشی: ئاسایش بەدەست ناهێنرێت تەنها بە هاوكاری ڕەها لەگەڵ گشت و دامەزراوەی كۆمەڵگا نەبێت.
هاوكات یەكەم دروستكەرانی سەركەوتنی بەبیرهێنایەوە، لەوانە پاڵەوانەكان و بریندارەكان و شەهیدان كە خوێنی خۆیان لە پێناو عێراق و سەقامگیرییەكەیدا كردە قوربانی.
شەمەری ڕێنمایی فەرماندە و ئەفسەرەكانی كرد، كە لەماوەی ئەم مانگە پیرۆزەدا ئامادەیی مەیدانییان هەبێت بە هاوبەشی لەگەڵ بەشداریكردنی هاووڵاتیان بۆ شوێنەكانی عیبادەت بۆ زیندووكردنەوەی ڕێوڕەسمە ئاینیەكان، هەروەها بۆ ئەوەی فەرماندە و ئەفسەرەكان بە پشتبەستن بە پلانی بیركردنەوەی باش دابڕێژن.