مەندەلاوی و مالیكی لەسەر پێویستی خێراكردنی تەواوكردنی شایستە دەستوورییەكان رێككەوتن
سیاسی
- 7-03-2024, 17:58
بەغداد - INA
ئەمڕۆ پێنجشەممە، سەرۆكی ئەنجومەنی نوێنەران بە وەكالەت موحسین مەندەلاوی و سەرۆكی هاوپەیمانی دەوڵەتی یاسا نوری مالیكی، لەسەر پێویستی خێراكردنی تەواوكردنی شایستە دەستوورییەكان رێككەوتن.
نوسینگەی راگەیاندنی مەندەلاوی لە بەیاننامەیەكدا كە بۆ ئاژانسی هەواڵی عێراقی نارووە، دەڵێت: سەرۆكی ئەنجومەنی نوێنەران بە وەكالەت موحسین مەندەلاوی، لەگەڵ سەرۆكی هاوپەیمانی دەوڵەتی یاسا نوری مالیكی كۆبووەوە.
لە بەیاننامەكەدا ئاماژە بەوەشكراوە: لە میانەی كۆبوونەوەكەدا گفتووگۆیان كرد لەبارەی دۆخی گشتی وڵات و دوایین پێشهاتەكانی گۆڕەپانی سیاسی، هەروەها ئەو پڕۆژە یاسا گرنگانەی كە ئەنجومەنی نوێنەران لە ئێستادا كارییان لەسەردەكات تاوتوێكرد.
هەر لە بەیاننامەكەدا هاتووە: لە كۆبوونەوەكەدا هەردوولا رێككەوتن لەسەر پێویستی خێراكردنی هەڵبژاردنی سەرۆكی ئەنجومەنی نوێنەران لە دانیشتنەكانی داهاتوودا، بەشێوەیەك كە بەشداربێت لە تەواوكردنی شایستە دەستوورییەكان و چالاككردنی كارەكانی دەسەڵاتی یاسادانان.
