سەرۆكی دادگای فیدراڵی و هاوتا ئوردنییەكەی یاداشتێكی هاوكاری هاوبەش واژۆ دەكەن

عەممان - INA – هیبە سودانی
ئەمڕۆ چوارشەممە، دادوەر جاسم عمێری سەرۆكی دادگای باڵای فیدراڵی، و محەمەد محایدین، سەرۆكی دادگای دەستووری ئوردن، یاداشتێكی هاوكاری هاوبەشیان واژۆ كرد.
پەیامنێری ئاژانسی هەواڵی عێراقی INA رایگەیاند: ئەمڕۆ لە عەممانی پایتەختی ئوردن، سەرۆكی دادگای باڵای فیدراڵی، دادوەر جاسم عمێری و سەرۆكی دادگای دەستووری ئوردن، محەمەد محایدین ، یاداشتێكیان واژۆكرد لە هاوكاری هاوبەشی نێوان هەردوو وڵات .
لە میانی واژۆكردنی یاداشتەكەدا، دادوەر جاسم عمێری جەختی لەوە كردەوە كە ئەركی دادگای باڵای فیدراڵی لە ئێستادا تەنها جێبەجێكردنی دەستور نییە بە شێوەیەكی سەرەكی، بەڵكو بەدیهێنانی بەرژەوەندی باڵای گەل و میللەت، پاراستنی یەكگرتوویی عێراقە ، و پێویستی بەهرەمەندبوونی هەموو هاووڵاتیان لە ماف و ئازادییە سیاسی و ئابووری و كۆمەڵایەتییەكان ، بە ئاماژەدان بەوەی كە  ، ئەمە ئەركێكی زۆر قورسە.
هەروەها ئاماژەی بۆئەوەیش كرد  ، دادگای فیدراڵی دووپاتی كردەوە، تا ئەوكاتەی نەوت و گاز هی هەموو خەڵكی عێراق بێت و داهات و سامانی نەوت هی هەموو خەڵكی عێراق بێت، دەبێت هەموو فەرمانبەران و خانەنشینكراوانی هەرێمی كوردستان هەمان مافەكانی دیكە هەبێت ،  ئاماژە بەوە دەكات كە "هەر سێ بۆ چەند مانگێك، كارمەندان و خانەنشینانی هەرێم یەك مووچە وەردەگرن، و ئەمەش مەعقول نییە.