وەزارەتی ناوخۆ قەدەغەی هاتوچۆ لە قەزای ئیسڵاح لە پارێزگای زیقاڕ ڕادەگەیەنێت
ناوخۆ
- 4-03-2024, 13:47
بەغداد/ INA
وەزارەتی ناوخۆ ئەمڕۆ ڕۆژی دووشەممە قەدەغەی هاتووچۆی لە قەزای ئیسڵاح لەپارێزگای زیقاڕ ڕاگەیاند و 75 کەسیشی دەستگیرکرد.
وەزارەت لە بەیاننامەیەکدا کە کۆپیەکی بۆ ئاژانسی هەواڵی عێڕاقی نێردرا وتی کە هەرچەندە چندین جار جەختمان کردووەتەوەسەر خۆلادان لە ململانێ عەشایەریەکان کەچی هەندێک کەس سوورن لەسەر پەنابردنە بەرچەک بۆ یەکلاکردنەوەی کێشەکان.
وتیشی ئەوەی ڕوویدا تاوانێکە دژبە بەڕێوەبەری هەواڵگری و دژەتیرۆری زیقاڕ عەمید عەزیز شەلال جەهل کە لەڕووداوەکاندا شەهیدکرا.
ڕوونیشی کردەوە کە پاش ئەم ڕووداوە دڵتەزێنە وەزارەت دەستیکردووە بە ئۆپەراسیۆنی فراوان بۆ کۆنتڕۆڵکردنی بارودۆخەکە ،بۆیەقەدەغەکردنی هاتووچۆ ڕاگەیەنرا بەهەماهەنگی پۆلیسی فیدڕاڵی و هێزەکانی بەرپەرچدانەوەی خێرا ، کەدەرەنجام 75 کەس لەوانەمان دەستگیرکرد کە دەستیان لەوئاژاوانەداهەبووە.
هەروەها وەزارەت لەبەیاننامەکەدا ئاماژەی بەوەکرد کە تیمێکی لێکۆڵینەوەی باڵای ڕەوانەی ناوچەکە کردووە بۆ لێکۆڵینەوە لە شەهیدکردنی عەمید عەزیز شەلال جەهل بۆ دەستگیرکردنی تاوانبارەکان.
