هەواڵگری سەربازی تیرۆرستێکی تۆمەتبار لە باشووری بەغدا دەستگیر دەکات
ئەمنی
- 3-03-2024, 16:31
بەغداد-INA
ڕۆژی یەکشەممە، بەڕێوەبەرایەتیی هەواڵگری سەربازی دەستگیرکردنی تۆمەتبارێکی تیرۆریستی لە باشووری بەغدای پایتەخت ڕاگەیاند.
بەڕێوەبەرایەتییەکە لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی،تیایدا هاتووە :- بەپێی زانیاری هەواڵگریی دروست لە فیرقەی حەڤدەی بەڕێوەبەرایەتی هەواڵگری سەربازی و بەهاوکاری لەگەڵ کەتیبەی چاودێری فەرماندەیی،لەڕێگەی بۆسەیەکی ورد تۆمەتبارێک کە لەلایەن دەسەڵاتی دادوەری عێراقەوە داواکراوە بەپێی بڕگەکانی ماددەی ( ٢/ تیرۆر) لە قەزای مەحمودییە، باشووری بەغدای پایتەخت دەستگیرکرا.
وەک بەیاننامەکە ئاماژەی پێداوە:- تۆمەتبارەکە دەمانچەیەکی بێ مۆڵەتی بەدەستەوە بووە و دوای دەستگیرکردنی ڕادەستی لایەنی داواکراو کراوە.
