گواستنەوە: لە مانگی ڕابردوو عێراق 10 بوومەلەرزەی تۆماركرد

ناوخۆ

2-03-2024, 16:06

+A -A

بەغدا - INA
ئەمڕۆ شەممە وەزارەتی گواستنەوە و گەیاندن ڕایگەیاند، لە ماوەی یەك مانگی ڕابردوودا 10بوومەلەرزە لە عێراق تۆماركراوە.
بەڕێوەبەری گشتی دەستەی گشتی كەشناسی و بەدواداچوونی بومەلەرزە، عەبدولعەزیم ساعدی لە بەیاننامەیەكدا كە بەدەست ئاژانسی هەواڵی عێراقی (INA) گەیشتووە وتیایداهاتووە: تۆڕی چاودێری بومەلەرزە (40) بوومەلەرزەیان تۆمار كردووە، كە (10) بوومەلەرزەیان تۆماركراوە لە چوارچێوەی خاكی عێراقدا و (30) بوومەلەرزە لە وڵاتانی دراوسێ بووە.
لەبەرامبەردا بەڕێوەبەری بەشی بەدواداچوونی بومەلەرزەزانی سەمیرە ڕەزا خەڵەف ڕوونیكردەوە:چالاكییە بومەلەرزەییەكان لە عێراق (4) بوومەلەرزە لە پارێزگای نەینەوا، (3) لە سلێمانی، و یەك بوومەلەرزە لە هەریەك لە دهۆك و هەولێر و كەركوك تۆماركراوە.