سەرۆك كۆمار: پشتیوانیكردنی مامۆستا و دابینكردنی مافەكانی بنەمای سەرەكین بۆ گەشەكردنی كۆمەڵگە و پێشكەوتنی نیشتمان
سیاسی
- 1-03-2024, 15:04
بەغدا -INA
سەرۆك كۆمار، عەبدول لەتیف جەمال ڕەشید، رایگەیاند پشتیوانیكردنی مامۆستا و دابینكردنی مافەكانی و دەستەبەركردنی پێداویستییەكانی كارەكەی، بنەمای سەرەكین بۆ گەشەكردنی كۆمەڵگە و پێشكەوتنی نیشتمان
سەرۆك كۆمار لە راگەیندراوێكدا كە بۆ ئاژانسی هەواڵی عێراقی (INA) نێردراوە تێیدا هاتووە، بەبۆنەی رۆژی مامۆستایانەوە جوانترین پیرۆزبایی ئاراستەی كادرەكانی پەروەردە و فێركردن دەكەین.
لە راگەیندراوەكە ئەوەیش هاتووە كە سەرۆك كۆمار رایگەیاندووە: بە ڕێز و پێزانینێكی زۆرەوە ڕۆڵی گەورەی مامۆستا بەرزدەنرخێنین لە پەروەردەكردنی نەوەكان تا ببنە كەسانی كاریگەر و چالاك بۆ بونیادنان و گەشەكردن و پێشكەوتنی كۆمەڵگە.
بەگوێرەی راگەیندراوە سەرۆك كۆمار وتیشی: پشتیوانیكردنی مامۆستا و دابینكردنی مافەكانی و دەستەبەركردنی پێداویستییەكانی كارەكەی، بنەمای سەرەكین بۆ گەشەكردنی كۆمەڵگە و پێشكەوتنی نیشتمان.
