وەزیری ئاوەدانکردنەوە دووەم پردی كۆنكرێتی رۆستەمییەی دەكاتەوە
ناوخۆ
- 22-02-2024, 12:02
بەغدا - INA - حەسەن ئەلفواز
ئەمڕۆ پێنجشەممە، به‌نگین رێكانی، وەزیری ئاوەدانکردنەوە و نیشتەجێکردن، دووەم پردی كۆنكرێتی رۆستەمییەی كردەوە.
رێكانی بە ئاژانسی هەواڵی عێراقی ( INA )ی ڕاگەیاند: پردی دووەمی رۆستەمییەی زۆر گرنگە بۆ كەمكردنەوەی قەرەباڵغی هاتوچۆ، هەروەها دەبێتە بەدیلێك بۆ پردی ئاسنی كۆن، جەختیشی لەوە كردەوە كە پردی كۆنی رۆستەمییەی دەڕوخێنرێت.
ئاماژەی بەوەشكرد، "وەزارەتی ئاوەدانکردنەوە و نیشتەجێکردن كاردەكات بۆ فراوانكردنی ڕێگاكانی نزیك پردەكە، كە هێڵەكانی چوار ساید دەبن، بۆ كەمكردنەوەی قەرەباڵغی هاتوچۆ لە ناوچەی ڕوستەمیە و ناوچە نزیكەكانی، تاوەكو كۆمەڵگای بسمایە.
