كەشناسی: ئەم شەپۆلی بارانبارینە شەممەی داهاتوو كۆتایی دێت

ناوخۆ

15-02-2024, 19:23

+A -A

بەغداد - INA
ئەمڕۆ پێنجشەممە، دەستەی كەشناسی پێشبینی كرد ئەم شەپۆلی بارانبارینە ڕۆژی شەممەی داهاتوو كۆتایی پێبێت، و ئاماژەی بەوەشدا: ئەگەر زۆرە لە كۆتایی مانگی شوباتدا شەپۆلەكە بگەڕێتەوە.
بەڕێوەبەری ڕاگەیاندنی دەستەی كەشناسی عامر جابری، بە ئاژانسی هەواڵی عێراقی ڕاگەیاند: لە دوو ڕۆژی ڕابردوودا وڵات شەپۆلێكی باران گرتیەوە لە ئەنجامی تێكەڵبوونی دوو زمە پاڵەپەستۆ، یەكەمیان لە دەریای ناوەڕاستەوە هاتووە و دووەمیان لە دەریای سوورەوە هاتووە، كە بووە هۆی بارانبارین لە سەرتاسەری وڵاتدا، كە هەندێك ناوچە بە سوكی و هەندێك ناوچە بە مامناوەندی و هەندێك ناوچەش شەپۆلەكە بە قورسی گرتیەوە.
ئاماژەی بەوەشكرد: ئەم شەپۆلی بارانبارینەی ئێستا شەممەی داهاتوو كۆتایی دێت، بەڵام لە كۆتایی مانگی شوباتدا جارێكی دیكە دەبارێتەوە.
سەبارەت بە لافاو لە هەندێك ناوچە، جابری رونیكردەوە: دەستە لە ڕاپۆرتی خۆیدا كە چەند ڕۆژێك لەمەوبەر بڵاویكردووەتەوە ئاماژەی بەوە كردووە كە ئەگەری دروستبوونی لافاو هەیە، بەتایبەتی لەسەر سنووری ڕۆژهەڵاتی وڵات كە هاوسنوورە لەگەڵ ئێرانی دراوسێ.