سەرۆکی حکومەتی هه‌رێمی كوردستان لەگەڵ ئەمینداری گشتیی کۆمکاری عەرەبی کۆبووەوە
سیاسی
- 13-02-2024, 21:44
هه‌ولێرـINA
ئەمڕۆ سێشەممە، مەسرور بارزانی، سەرۆکی حکومەتی هەرێمی کوردستان، لە چوارچێوەی بەشداریکردنی لە لوتکەی جیهانیی حکومەتەکان لە دوبەی، لەگەڵ ئەحمەد ئەبو غەیت، ئەمینداری گشتیی کۆمکاری عەرەبی کۆبووەوە.
نووسینگه‌ی راگه‌یاندنی سه‌رۆكی حكومه‌تی هه‌رێمی كوردستان له‌راگه‌یه‌ندراوێكدا كه‌بۆ ئاژانسی هه‌واڵی عێراقی ناردووه، راگه‌یاند" لە کۆبوونەوەکەدا بارودۆخی گشتیی عێراق و ناوچەکە و پەرەپێدانی پەیوەندییەکانی کۆمکاری عەرەبی و هەرێمی کوردستان تاوتوێ کرا.
سەرۆکی حکومەت سوپاسی هەڵوێستی کۆمکاری عەرەبی کرد لە سەرکۆنەکردنی هێرشی موشەکیى ئەم دواییە بۆ سەر هەولێر.
ئەمینداری گشتیی کۆمکاری عەرەبی، ئاماژەی بە ڕۆڵی گرنگیی هەرێمی کوردستان کرد و سڵاو و ڕێز و پێزانینی خۆی بۆ پێگەی گرنگ و خەبات و تێکۆشانی سەرۆک بارزانی دەربڕی.
لە بەشێکی دیکەی کۆبوونەوەکەدا، جەخت لە گرنگیی پاراستنی ئاسایش و ئارامیی هەرێمی کوردستان و عێراق بەگشتی کرا.
وه‌زیری ناوخۆیی به‌ریتانیا سه‌ردانی عێراق ده‌كات
- ئەمنی
- 10:25
