كەشناسی:هەفتەی داهاتوو باران و هەورەبروسكە دەستپێدەكاتەوە

بەغدا - INA
ئەمڕۆ چوارشەممە، دەستەی كەشناسی، بارودۆخی كەشوهەوای وڵاتی بۆ ڕۆژانی داهاتوو ڕاگەیاند، هاوكات پێشبینی دەكات باران و هەورەبروسكە لە هەفتەی داهاتوو دەست پێبكات.
دەستەی كەشناسی، لە راگەیندراوێكدا كە بەدەستی ئاژانسی هەواڵی عێراقی كەوتووە تێیدا هاتووە ، كەشوهەوای وڵات بۆ سبەی پێنجشەممە، دادپەروەرانە دەبێت، وردە وردە دەگۆڕێت بۆ نیمچە هەور لە ناوچەكانی ناوەڕاست، هاوكات كەشوهەوا لە ناوچەكانی باكور دەگۆڕێت بۆ نیمچە هەور بەشێكی هەوری تەواو دەبێت لەگەڵ دروستبوونی تەم لە بەیانیاندا كە وردە وردە نامێنێت، و لە ناوچەی باشووریش كەشوهەوایەكی خوش دەبێت لەگەڵ هەندێك هەور، و پلەكانی گەرما هاوشێوەی ڕۆژی پێشوو دەبێت لە ناوچەی ناوەڕاست، و كەمێكش بەرزتر دەبێت لە ڕۆژی پێشوو لە ناوچەكانی باكوور و باشوور .
لە ڕاگەیەندراوەكەدا ئاماژە بەوەشكراوە، كەش و هەوای ڕۆژی هەینی لە هەندێك كاتدا نیمچە هەور و هەوری تەواو دەبێت، هەروەها پلەكانی گەرما هاوشێوەی ڕۆژی پێشوو دەبن لە سەرجەم ناوچەكانی وڵات .
هەروەها ئەوەیش هاتووە كە ،رۆژی شەممە، كەشوهەوای ناوچەكانی ناوەڕاست و باشوور هەور دەبێت لەگەڵ بارانێكی كەم بۆ مامناوەند و هەورەبروسكە، هەروەها پلەكانی گەرما كەمێك دادەبەزن بە بەراورد بە ڕۆژی پێشوو  لە ناوچەكانی باكور كەشوهەوا نیمچە هەور بۆ هەوری تەواو دەبێت ،پلەكانی گەرما كەمێك بەرزترن لە ڕۆژی پێشوو. 
ڕوونیشیكردەوە، "كەشوهەوای وڵات بۆ یەكشەممەی داهاتوو هەور دەبێت لەگەڵ بارینی بارانێكی سوك بۆ مامناوەند لەگەڵ بارانبارین بە چڕی و بەرە بەرە لە نیوەڕۆدا لە ناوچەكانی ناوەڕاست باشتر دەبێت، هاوكات كەشوهەوای ناوچەی باكور نیمچە هەور دەبێت، هەروەها لە باشوور كەش و هەوا هەور دەبێت و بارانێكی مامناوەند بۆ بەخوڕ لە هەندێك كاتدا دەبارێت و ڕەشەبا ڕوودەدات، و پلەكانی گەرما هاوشێوەی ڕۆژی پێشوو دەبن لە بەشەكانی ناوەڕاست و باكوور، لەكاتێكدا لە بەشی باشووری وڵات چەند پلەیەك دادەبەزن .