سه‌رۆكى هه‌رێمى كورستان پێشوازى له كونسولى گشتیی كۆريا و سه‌رۆكى كۆيكا كرد
سیاسی
- 6-02-2024, 12:20
هه‌ولێرـINA
پێشنيوه‌ڕۆى ئه‌مڕۆ سێشه‌ممه، نێچيرڤان بارزانى، سه‌رۆكى هه‌رێمى كوردستان، پێشوازى له‌سيونگچۆل ليم كونسولى گشتيى كۆرياى باشوور له هه‌رێمى كوردستان و كۆ هيسۆك سه‌رۆكى ڕێكخراوى كۆيكاى كۆرى كرد.
نووسینگه‌ی راگه‌یاندنی سه‌رۆكی هه‌رێمی كوردستان له‌راگه‌یه‌ندراوێكدا كه‌بۆ ئاژانسی هه‌واڵی عێراقی ناردووه، راگه‌یاندووه" له ديدارێكدا بره‌ودان به په‌يوه‌ندييه‌كانى كۆرياى باشوور له‌گه‌ڵ هه‌رێمى كوردستان و كار و چالاكييه‌كانى ڕێكخراوى كۆيكا له هه‌رێمى كوردستان تاوتوێ كران كه ساڵانێكى درێژه يارمه‌تيى هه‌رێمى كوردستان ده‌دات و چه‌ندين پرۆژه‌ى خزمه‌تگوزارى له ناوچه جياكانی هه‌رێمى كوردستان ئه‌نجام داوه.
سه‌رۆك نێچيرڤان بارزانى ستايشى هه‌رێمى كوردستانى بۆ په‌يوه‌ندى و دۆستايه‌تيى كۆرياى باشوور له‌گه‌ڵ هه‌رێمى كوردستان ده‌ربڕى و به‌تايبه‌تى ئاماژه‌ى به‌و كار و چالاكييانه دا كه ڕێكخراوى كۆيكا له چه‌ندين كه‌رت و بوارى جيادا بۆ يارمه‌تيدانى خه‌ڵكى هه‌رێمى كوردستان، ئه‌نجاميان ده‌دات، هه‌روه‌ها كار و خزمه‌تى تيمى سه‌ربازيى زه‌يتوونى كۆرى به‌بير هێنايه‌وه كه بيست ساڵ له‌مه‌وبه‌ر هاتنه هه‌رێمى كوردستان و په‌يوه‌نديى هه‌ردوولايان پته‌و كرد.
په‌يوه‌ندييه‌كانی هه‌ولێر ـ به‌غدا، دۆخى عێراق و ناوچه‌كه به‌گشتى، ته‌وه‌ر‌ێكى ديكه‌ى ديداره‌كه بوو.
