لیوا ڕەسوڵ: لێدانەكانی ئەمریكا پێشێلكردنی سەروەری و تێكدانی هەوڵەكانی حكومەتی عێراقە

ئەمنی

3-02-2024, 10:24

+A -A

بەغدا - INA
وتەبێژی فەرماندەی گشتی هێزە چەكدارەكان لیوا یەحیا ڕەسوڵ سەبارەت بەهێرشەكانی دوێنێ شەو كە شارەكانی قائیم و ناوچە سنوورییەكانی عێراق كەوتوونەتە بەر هێرشی ئاسمانی ئەمریكا، ئەو هێرشەكانی بە پێشێلكردنی سەروەری عێراقی زانیوە.
لیوا ڕەسوڵ لە بەیاننامەیەكدا كە بەدەست ئاژانسی هەواڵی عێراقی ( INA) گەیشتووە و تیایداهاتووە: شارەكانی قائیم و ناوچە سنوورییەكانی عێراق لەلایەن فڕۆكەكانی ئەمریكاوە هێرشی ئاسمانییان بۆ دەكرێت، بەو پێیەی ئەم هێرشانە لە كاتێكدایە كە عێراق هەوڵی دڵنیابوونی سەقامگیری ناوچەكە دەدات.
ئاماژەی بەوەشكرد : ئەم لێدانانە پێشێلكردنی سەروەری عێراقە و تێكدانی هەوڵەكانی حكومەتی عێراقە، هەروەها هەڕەشەیەكە كە عێراق و ناوچەكە بەرەو دەرئەنجامە نەخواز راوەكان ڕادەكێشێت و لێكەوتەكانیشی بۆ ئاسایش و سەقامگیری عێراق و ناوچەكەترسناك دەبن.