هاوپەیمانی ئیدارەی دەوڵەت تەئكد لە پشتگیری خۆی بۆ هەڵوێستی حكومەت لە رێكخستنی پەیوەندی لەگەڵ هاوپەیمانی نێودەوڵەتی دەكاتەوە
سیاسی
- 25-01-2024, 19:25
بەغداد - INA
ئەمڕۆ پێنجشەممە، هاوپەیمانی ئیدارەی دەوڵەت تەئكیدیكردەوە، لە پشتگیری خۆی بۆ هەڵوێستی حكومەت لە رێكخستنی پەیوەندییەكانی لەگەڵ هاوپەیمانی نێودەوڵەتی.
هاوپەیمانی ئیدارەی دەوڵەت لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: هاوپەیمانی ئیدارەی دەوڵەت پشتیوانی خۆی بۆ هەڵوێستی حكومەت و پاڵپشتی خۆی بۆ بەیاننامەی وەزارەتی دەرەوە رادەگەیەنێت، كە تیایدا دەستپێكردنی گفتوگۆی نێوان عێراق و هاوپەیمانی نێودەوڵەتی بە سەرۆكایەتی ویلایەتە یەكگرتووەكانی ئەمریكا سەبارەت بە ڕێكخستنی پەیوەندییەكە بەشێوەی دوولایەنە ڕاگەیاندووە لەگەڵ لایەنەكانی هاوپەیمانان، و كۆتاییهێنان بە ئەركی سەربازی و دانانی خشتەی كاتی بۆ كەمكردنەوەی ژمارەی ڕاوێژكاران.
لە بەیاننامەكەدا ئاماژە بەوەشكراوە: هاوپەیمانی پاڵپشتی خۆی بۆ ئەو رێوشوێنانەی حكومەت دووپاتدەكاتەوە كە لە بەرنامەی وەزاریدا هاتووە، لەوانەش گفتوگۆ لەگەڵ هاوپەیمانی نێودەوڵەتی و دووبارە رێكخستنەوەی بوون و پەیوەندییەكانی لەگەڵ لایەنەكانیدا.
