كەشناسی:لە رۆژی هەینەوە بەفرو باران بارین دەستپێدەكات

بەغدا - INA
ئەمڕۆ چوارشەممە، دەستەی كەشناسی بارودۆخی كەشوهەوای وڵاتی بۆ ڕۆژانی داهاتوو ڕاگەیاند، هاوكات پێشبینی دەكات لە هەینی داهاتووەوە باران و بەفر ببارێت.
دەستەی كەشناسی لە ڕاگەیەندراوێكیدا كەبۆ ئاژانسی هەواڵی عێراقی نێردراوە، تێیدا هاتووە، سبەی پێنجشەممە، كەشوهەوا لە ناوچەكانی ناوەڕاست دادپەروەرانە بۆ نیمچە هەور دوای ئەوەیش  دەبێتە هەوری تەواو لەگەڵ بارینی بارانێكی كەم لە هەندێك شوێنی ناوچەی باكور، لە ناوچەكانی باشوور پلەكانی گەرما نزیكە دەبێتەوە لە رۆژی پێشووتری .
ئاماژەی بەوەشكرد، ڕۆژی هەینی كەش و هەوا هەور دەبێت لەگەڵ بارینی بارانێكی سووك بۆ مامناوەند، هەندێكجار ڕەشەبای لەگەڵ دەبێت، لە ناوچەكانی ناوەڕاست و باشوور. سەبارەت بە ناوچەكانی باكور، كەشوهەوا هەورە، لەگەڵ بارانێكی سووك بۆ مامناوەند دەبارێت، هەندێكجاریش ڕەشەبا دەبێت ، و بەفربارین لە بەشە شاخاوییەكانیدا  دەبارێت و پلەكانی گەرما چەند پلەیەك دادەبەزن، لە ناوچەكانی ناوەڕاست و باشوور پلەكانی گەرما هاوشێوەی ڕۆژی پێشوو دەبن.
لە راگەیندراوەكە ئەوەیش هاتووە كە كەشوهەوای ڕۆژی شەممەی داهاتوو ساماڵ دەبێت بۆ نیمچە هەور لە ناوچەكانی ناوەڕاست، نیمچە هەور و هەندێكجاریش هەوری تەواو دەبێت لەگەڵ بارینی بارانێكی كەم لە هەندێك شوێنی ناوچەی باكور، هەروەها لە ناوچەكانی باشووریش لەنێوان ساماڵ و هەور دەبێـت.
ئاماژەی بەوەشكرد، ڕەوشی كەشوهەوای پێشبینیكراو بۆ یەكشەممەی داهاتوو ئەوەیە: كەشوهەوا لە ناوچەی ناوەڕاست نیمچە هەور بۆ هەوری تەواو دەبێت لەگەڵ ئەگەری بارانبارینی سووك لە بەشەكانی ڕۆژئاوای، هەروەها لە ناوچەی باكور نیمچە هەور بۆ هەوری تەواو دەبێت لەگەڵ هەورەتریشقە و بارانبارینی پەرشوبڵاو، لە ناوچەی باشووریش نیمچە هەور تا هەوری تەواو دەبێـت ، پلەكانی گەرما لە ناوچەی ناوەڕاست چەند پلەیەك بەرز دەبنەوە، لە ناوچەی باكوور كەمێك كەم دەبنەوە و هاوشێوەی ڕۆژی پێشوو دەبێت لە ناوچەی باشوور.