وەزیری دارایی: هەرێم لە ماوەی ساڵی 2023دا هیچ داهاتێكی ڕادەستی حكومەتی فیدراڵی نەكردووە

بەغدا - INA
ئەمڕۆ یەكشەممە تەیف سامی وەزیری دارایی پشتڕاستی كردەوە كە هەرێمی كوردستان لە ماوەی ساڵی 2023دا هیچ داهاتێكی رادەستی حكومەتی فیدراڵی نەكردووە.
بەشی ڕاگەیاندنی ئەنجوومەنی نوێنەران لە ڕاگەیەندراوێكدا كە بەدەست ئاژانسی هەواڵی عێراقی (INA) گەیشتووە و تیایداهاتووە: لیژنەی دارایی پەرلەمان بە سەرۆكایەتی عەتوان عەتوانی میوانداری تەیف سامی وەزیری دارایی كرد بۆ تاوتوێكردنی كۆمەڵێك بابەتی دۆسیەگرنگەكان، لەوانەش ئامادەكاری بۆ ئەنجامدانی هەمواركردنی پێویست لە خشتەكانی بودجە بۆ ساڵی 2024
سەرۆكی لیژنەكە عەتوانی دووپاتی كردەوە : كە كۆبوونەوەكە  بۆ پێداچوونەوە بە ڕێڕەوی دارایی لە جێبەجێكردنی بڕگەكانی بودجەی سێ قۆڵی و دیاریكردنی ڕێژەی بودجە سەبارەت بە جێبەجێكردنی پڕۆژەكان و بە شێوەیەك كە لەگەڵ حكومەتدا بگونجێت بەرنامە و شایستە حكومییەكانی تر، وەك وەزیر ئاماژەی بەوەدا كە كێشەیەك لە داتاكان هەبووە بۆ خستنەڕووی پڕۆژەكان لە بودجەی وەبەرهێناندا، و كە هیچ پارەیەك بۆ دامەزراوە حكومییەكان خەرج ناكرێت بۆ ساڵی 2024 مەگەر پێكهاتەكانی پڕۆژەكە نیشانە نەكرێن و كەم وكوڕییەكان چارەسەربكرێت لە تەرخانكردنەكاندا بۆ خشتەكانی ساڵی ڕابردوو .
ڕوونیشیكردەوە : هەروەها پێداچوونەوە بە گرنگترین كێشە و ئاستەنگەكانی بەردەم جێبەجێكردنی یاسای بودجەدا كرا،دیارترینیان ئەو بڕگەیەی تایبەت بوو بە دامەزراندن و گرێبەستەكان، هەروەها لەگەڵ وەزیری دارایی ڕێككەوتن كرا بۆ تەواوكردنی خشتەكانی هەژماركردنی تێچووی دارایی بە مەبەستی خستنەبازاڕیان لە ساڵی 2024.
عەتوانی ئاماژەی بەوەدا كە دۆسیەی نەوتی هەرێمی كوردستان لە كۆبوونەوەی ئەمڕۆ لەگەڵ وەزیری دارایی باسكرا، كە دووەمیان دووپاتی كردەوە كە هەرێم هیچ داهاتێكی دارایی رادەستی حكومەتی فیدراڵی لە ماوەی ساڵی 2023، و تەنها لە دابینكردنی پاڵاوگەكانی حكومەت بە 50 هەزار بەرمیل نەوت رۆژانە. 
سەرۆكی لیژنەی دارایی جەختیكردەوە : پێویستی دۆزینەوەی چارەسەری ڕیشەیی بۆ هەموو كێشە هەڵپەسێردراوەكان لەگەڵ هەرێم، بەتایبەتی دوای ئەوەی لایەنی توركیا ڕەزامەندی دەربڕی لەسەر دەستپێكردنەوەی هەناردەكردنی نەوت لە ڕێگەی بەندەری جەیهانەوە و ئەمەش پێویستی بە چارەسەركردنی پرسی بەرهەمهێنان و تێچووی گواستنەوە هەیە بۆ نەوتی بەرهەم هێنراو لە كێڵگەكانی هەرێم.
 جگە لە چارەسەركردنی كێشەی مووچەی فەرمانبەرانی هەرێم و دوورخستنەوەی ئەم بابەتە لە هەر گرژییەكی سیاسی،هاوكات داوای لە حكومەتی هەرێمی كوردستان كرد بە تەواوی پابەند بێت بە جێبەجێكردنی یاسای بودجەی گشتی فیدراڵی.