سەرۆکوەزیران لە داڤۆس لەگەڵ 57 کۆمپانیای نێودەوڵەتی تایبەتمەند به‌نەوت و وزە و بوارە ئابوورییەکانی دیکە كۆده‌بێته‌وه‌

به‌غدا-INA
ئەمڕۆ سێشەممە، ، محه‌مه‌د شیاع سودانی سەرۆکی ئه‌نجوومه‌نی وەزیران، بەشداری کۆبوونەوەیەکی کارکردنی کرد کە تیایدا سەرۆک و نوێنەری ٥٧ کۆمپانیای نێودەوڵەتی تایبەتمەند لە بوارەکانی وزە و نەوت و گاز، و بوارە ئابوورییە جیاوازەکان بەشدارییان کرد، لە پەراوێزی بەشداریکردنی لە کۆڕبەندی ئابووری داڤۆس کە لە سویسرا بەڕێوەچوو.
نووسینگەی ڕاگەیاندنی سەرۆکی ئه‌نجوومه‌نی وه‌زیران له‌راگه‌یه‌ندراوێكدا كه‌بۆ ئاژانسی هه‌واڵی عێراقی ناردووه‌، راگه‌یاندووه‌" له‌م كۆبوونه‌وه‌یه‌دا سودانی پلانەکانی حکومەت لە بواری گەشەپێدان و چاکسازی ئابووریدا خسته‌روو کە ڕێگایەکی باشیان بڕیوە، هەروەها تیشكی خسته‌ سه‌ر دەرفەتە گەورەکانی وەبەرهێنان، پڕۆژەکانی شاری پیشەسازی، بەندەری گەورەی فاو و پڕۆژەی ڕێگای گەشەپێدانی گرنگ، و پڕۆژەی کێڵگە نەوتییە ته‌واوكاریه‌كان.
سودانی ئاماژەی بە پڕۆژەکانی وزەی خۆر و نوێبووەوە کرد کە لەگەڵ کۆمپانیا چینی و ئیماراتیەکان کۆتاییان هات، جەختی لەسەر ئاراستەی فراوانی حکومەت بەرەو وەبەرهێنانی غاز و فراوانکردنی دەرفەتی وەبەرهێنان لەم کەرتە ئومێدبەخشەدا کردەوە، هەروەها ئەو پڕۆژە نیشتەجێبوونانەی کە دەستیان پێکرد، و پڕۆژەکانی تر کە لە هەموو پارێزگاکانی عێراق پلانیان بۆ دانراوە.
سه‌رۆك وه‌زیران جەختی لە گرنگی چاکسازییە بانکییەکان کرد کە لەلایەن بانکی ناوەندی عێراقەوە جێبەجێکرا و کاری لەسەر کردووه‌، بە مەبەستی پەیوەندیکردن لەگەڵ بانکە نێودەوڵەتییەکان بۆ گەیشتن بە ستانداردەکانی پابەندبوون بۆ سیستەمی دارایی و بانکی جیهانی.
سەبارەت بە پتەوکردنی سەقامگیری و ئاسایشی عێراق، سەرۆک وەزیران ڕایگەیاند، ئاسایش و سەقامگیری ناوچەکە زۆر پەیوەستە بە سەقامگیری عێراقەوە، هەروەها هەر هەوڵێک بۆ تێکدانی سەقامگیری ودۆخی ناوخۆی عێراق بدرێت یان هەڕەشەکردن لە ئاسایشەکەی دەبێتە هۆی زیانگەیاندن بەئاسایشی ناوچەكه‌ وڕۆژهەڵاتی ناوەڕاست له‌روویی نێوده‌وڵه‌تییه‌وه‌.
له‌م کۆبوونەوەدا وەزیرانی دەرەوە و نەوت و پارێزگاری بانکی ناوەندی عێراق و ژمارەیەک ڕاوێژکاری سەرۆکی ئه‌نجوومه‌نی وه‌زیران ئاماده‌بوون.