دەسپاکی زیادەڕەویەک بەبڕی 33 ملیۆن ئاشکرادەکات
ناوخۆ
- 15-01-2024, 11:53
بەغداد/ INA
دەسپاکی فیدڕاڵی ئەمڕۆ ڕۆژی دووشەممە زیادەڕەویەکی بە بڕی 33 ملیۆن ئاشکراکرد لە دوو گرێبەستی کۆمپانیای نەوتی پارێزگای زیقاڕ.
بەیاننامەی دەسپاکی کە ڕەوانەی ئاژانسی هەواڵی عێڕاقی کراوە وتی" تیمی نووسینگەی لێکۆڵینەوەی زیقاڕ توانی کە زیادەڕەویەک لە تێچووی گرێبەستی دروستکردنی کۆگەکانی کێڵگەی نەوتی غەڕڕاف بدۆزێتەوە، ڕوونیشی کردەوەکە گرێبەستەکە لەگەڵ کۆمپانیایەکی ئیماڕاتی واژۆکراوە بە گوژمەی 27٫000٫000 دۆلار .
وتیشی تیمەکە تێبینیان کردووە کە زیادەڕەوی بەبڕی 18٫000٫000دۆلار کراوە لەگرێبەستی بۆڕی و قەباغی نەوتی کێڵگەی غەڕڕاف لەوگرێبەستەی کە لەنێوان کۆمپانیای نەوتی زیقاڕ و کۆمپانیایەکی مالیزیداکراوە.
ئاماژەشی بەوەکرد کە لێژنەی کڕینەکانی کۆمپانیاکە بڕی 37٫795٫000 دیناری بەهەدەرداوە لە پڕۆسەی کڕینی ئامێرەکانی کۆپیکردن و چاپ وئامێرەکانی ئەرشیف ، هەروەها زیادەڕەوی کراوە بەبڕی 52٫000٫000 دینار لەکڕینی سووتگەیەکی پزیشکی و سێ کۆنتێنەردا.
