فایق زیدان و نێچیرڤان بارزانی تاوتوێی ڕێوشوێنە یاساییەکان دەکەن بۆ چارەسەرکردنی گرفتی موچەی فەرمانبەرانی هەرێمی کوردستان
سیاسی
- 13-01-2024, 18:30
بەغداد-INA
ئەمڕۆ شەممە،دادوەر"فایق زەیدان"سەرۆکی ئەنجوومەنی باڵای دادوەری،لەگەڵ "نێچیرڤان بارزانی"سەرۆکی هەرێمی کوردستان سەبارەت بە ڕێوشوێنە یاساییەکان بۆ چارەسەرکردنی قەیرانی مووچەی فەرمانبەرانی کوردستان گفتوگۆیان کرد.
ئەنجومەنی دادوەری لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، تیایدا ڕایگەیاندووە:-ئەمرۆ شەممە "دادوەر فایق زەیدان"سەرۆکی ئەنجوومەنی باڵای دادوەری،پێشوازی لە "نێچیرڤان بارزانی" سەرۆکی هەرێمی کوردستان کرد.
وەک بەیاننامەکە ئاماژەی پێداوە:-لە کۆبوونەوەکەدا هەردوولا تاوتوێی ڕێکارە یاساییەکانیان کردووە بۆ چارەسەرکردنی قەیرانی مووچەی فەرمانبەرانی هەرێم و ڕێگریکردن لە هەر کردەوەیەکی دوژمنکارانە بەرامبەر بە هەرێم.
