فەلەستین و میسر... عێراق له‌ریزبه‌ندی یه‌كه‌مه‌ له‌وهاوکارییانه‌ی پێشکەشی به‌کەرتی غەززە کراون

میسر - INA - ڕەشا محمد
لایەنی فەلەستینی ستایشی بڕی پاڵپشتی عێراقی بۆ کەرتی گەمارۆدراوی غەززە کرد لەگەڵ هاتنی کەشتیی بەغدای بارکراو بە 10 ملیۆن لیتر سووتەمەنی كه‌ئەمڕۆ لە چوارچێوەی هەڵمەتی " هاواری عێراق بۆ ئەقسا" کە لەلایەن سەرۆک وەزیران محەمەد شیاع  سودانیه‌وه‌ راگه‌یێندرا، هاوکات مانگی سووری میسر پشتڕاستی کردەوە کە بڕی ئەو هاوکارییە مرۆییانەی کە لە عێراقەوە گەیشتووە زۆرترینە بە بەراورد بە وڵاتانی دیکە.
سەتار ئەلجابری بریکاری وەزیری بازرگانی بە ئاژانسی هەواڵی عێراقی (INA)ی ڕاگەیاند: وەک دووپاتکردنەوەی هەڵوێستی پتەو و نه‌گۆڕی حکومەت و گەلی عێراق بەرامبەر بە پرسی فەڵەستین، هەروەها لە سەرەتای دەستدرێژی و سەپاندنی گەمارۆدانی کەرتی غەززە، سەرۆک وەزیران و فەرماندەی گشتی هێزە چەکدارەکان، محەمەد شیاع سودانی، دەستپێشخەرییەکی عێراقی دەستپێکرد بۆ کۆکردنەوەی هاوکارییە مرۆییەکان، دەرمان و خۆراک وكه‌ل وله‌پی دیكه‌ی فریاگوزاری بۆ خەڵکی کەرتی غەززە، و گەورە بڕی هاوکاری لە ڕێگەی چەند ژەمێکەوە و لە ڕێگەی پردی ئاسمانی نێوان فڕۆکەخانەی بەغدا و فڕۆکەخانەی ئەلعەریش لە میسر بۆ خه‌ڵكی غه‌ززه‌ ره‌وانه‌كراوه‌. 
هه‌روه‌ها وتی" سوپاس بۆ خوا، ئەو کەشتییەی بەغدا کە بە 10 ملیۆن لیتر سووتەمەنی بارکرابوو، گەیشتە ئەوێ، کە دوو هەفتە لەمەوبەر لە بەندەری خۆر زوبەیرەوە بەرەو بەندەری سوێس بەڕێکەوت، ئێستاش لە کەناڵی سوێسداین وبه‌ئاماده‌بوونی مانگی سووری عێراق و مانگی سووری میسری و هەروەها بەرپرسی کاروباری عێراقی لە میسر و نوێنەرانی حکومەت میسری."
ناوبراو لە درێژەی قسەکانیدا راگه‌یاند" دەستپێشخەرییەکی دیکە لە وەزارەتی تەندروستی و هەروەها نەخۆشخانەکانی سەر بە مەزارگەی حوسێن و مانگی سوورەوە هەیە بۆ وەرگرتنی بریندارەکان لەم کەرتەوە به‌مه‌به‌ستی چارەسەرکردنیان. هەماهەنگییەکی بەرز لە نێوان هەردوو باڵیۆزخانەی میسری لەبەغدا و باڵیۆزخانەی عێراق لە قاهیرە هه‌یه‌ لەگەڵ کۆمەڵەی مانگی سووری عێراق و میسر بۆ وەرگرتنی ئەم بریندارانە و گەیاندنیان بۆ نەخۆشخانەکان به‌مه‌ره‌می چارەسەرکردنیان.
جەختیشی کردەوە کە لە میانەی گفتوگۆکان لەگەڵ بەڕێوەبەری جێبەجێکاری مانگی سووری میسری، ڕامی ئەلنازر، بۆمان دەرکەوت کە عێراق یەکەم وڵاتە لەڕووی بڕی ئەو هاوکاری و بەخشینانەی کەگه‌یاندوته‌ ده‌ستی مانگی سووری فەلەستینی، کە بڕی 8 ملیۆن تۆن بووە، حکوومەتی عێراق لە ڕێگەی هەڵوێستی مرۆیی خۆیەوە پاڵپشتی ڕاستەقینەی خۆی بۆ گەلی فەلەستین پشتڕاست کردەوە و بەردەوام دەبێت له‌هاوکاریه‌كان و عێراق بەردەوامە لە پێشوازیکردن لە بریندارانی دەستدرێژی زایۆنیستەکان.
لە بەرامبەردا بەڕێوەبەری مانگی سووری عێراق، یاسین ئەلمامۆری به‌ئاژانسی هەواڵی عێراق (INA) راگه‌یاند“ ئەمڕۆ ئەو کەشتییەی بەغدای پڕ لە 10 ملیۆن لیتر سووتەمەنی گەیشتە دەستمان و ڕادەستی مانگی سووری میسری کرا و لەوێشەوە دەگاتە ده‌ستی هاوتا فەلەستینییەکەی، ئەم بابەتەش بەهۆی ئەو هەوڵە ناوازانەی کە لەلایەن چەند لایەنێکی حكومییه‌وه‌ دراون بەدیهات، جگە لە مانگی سوور، ئەرکی عێراقییەکان و عەرەبەکان و هەموو مرۆڤایەتییە لەگەڵ گەلی فەلەستین لە دۆخی نالەباری خۆیاندا بوەستن.
ئاماژەی بەوەشکرد" دەستپێشخەرییەک هەیە کە لە ئێستادا کار لەسەر دەکەین بۆ گەیاندنی بریندارەکان بۆ نەخۆشخانەکانی وەزارەتی تەندروستی و مەزارگەی حوسێن و چارەسەرکردنیان بە تەواوی، هاوتەریب لەگەڵ بەردەوامیی فریاگوزارییە مرۆییەکان جێبەجێ دەکرێت، وهەوڵدان بۆ گەیاندنی هاوکاری بە کەرتی گەمارۆدراو، سوپاسی حکومەتی میسر و مانگی سووری میسر دەکەین بۆ هاوکارییەکانیان.
لەلایەکی دیکەوە، مای عارف، بەڕێوەبەری نووسینگەی مانگی سووری فەلەستینی لە قاهیرە، بە ئاژانسی هەواڵی عێراقی (INA)ی راگه‌یاند" لە سەرەتای دەستدرێژیی زایۆنیستەکانەوە، ژیان وه‌ستاوه‌ و گەلی فەلەستین پێویستییەکی زۆری  بە یارمەتییە مرۆییەکان هەیه‌ و دۆخی مرۆیی و تەندروستی لەڕادەبەدەر سەختە و دەگاتە ئاستی کارەسات”.
ئاماژەی بەوەشکرد، "یارمەتییەکانی عێراق کاریگەرییەکی بەرچاویان هەیە لە پاڵپشتیکردنی گەلی فەلەستین و بەردەوام کاردەکەین بۆ ئەوەی بگاتە دەستی خەڵکی کەرتی گەمارۆدراوی غەززە".
ئەمڕۆ دووشەممە، کەشتییەکەی بەغدا کە بە 10 ملیۆن لیتر سووتەمەنی بارکرابوو، به‌رێگای کەناڵی سویسی میسری گەیشتە خاکی فەڵەستین.