سەرۆک وەزیران بەدواداچوون بۆ کارەکانی پڕۆژەی کۆرنیشی ناسریە و نۆژەنکردنەوەی پردی شەهیدانی زەیتون دەکات

به‌غدا-INA
ئەمڕۆ دووشەممە، محەمەد شیاع سودانی، سەرۆکی ئه‌نجوومه‌نی وه‌زیران لە سه‌ردانه‌ مەیدانەکەیدا ئاگاداری کارەکانی پڕۆژەی کۆرنیشی ناسریە و نۆژەنکردنەوەی پردی هەڵواسراوی شەهیدانی زەیتون بوو.
نووسینگەی ڕاگەیاندنی سەرۆکی ئه‌نجوومه‌نی وه‌زیران لە ڕاگەیەنراوێکدا کە بۆ ئاژانسی هەواڵی عێراقی (INA) ناردووە، راگه‌یاندووه‌" ئەمڕۆ محەمەد شیاع سودانی، سەرۆکی ئه‌نجوومه‌نی وه‌زیران گەشتێکی ئەنجامدا بۆ بەدواداچوون بۆ پێشکەوتنی کارە بەردەوامەکان لەسەر کۆرنیشی شاری ناسریە، و نۆژەنکردنەوە و چاککردنەوەی پردی هەڵواسراوی شەهیدانی زەیتون، لە پارێزگای زیقار.
لە ڕاگەیەندراوەکەدا ئاماژە بەوەشکراوە" سەرۆکی ئه‌نجوومه‌نی وه‌زیران لە وردەکارییەکانی کارکردن لەسەر هەردوو پڕۆژەکە ئاگادارکرایەوە.
سەرۆک وەزیران جەختی لەپێویستی پەسەندکردنی باشترین تایبەتمەندییەکان و پابەندبوون بە کاتی پەسەندکراو بۆ جێبەجێکردن ئه‌م پرۆژانه‌ کردەوە.
پڕۆژەی کۆرنیش بریتیه‌ لە کاری ڕووپۆشکردنی بەرد و قیرتاوکردن، ڕشتنی تەراسەکانی کۆنکرێتی لە هەردوو لای کۆرنیش و پردەکە، و دروستی باخچە، هەروەها کارکردن لە گۆڕەپانی ئاهەنگگێڕان و قیرتاوکردنی زەوی و کۆریدۆر و دیواری مەڕمەڕ لە هەردوو لا لە کۆرنیش.
ڕێژەی تەواوکردنی کارەکانی ئێستا گەیشتە 27%، کە ڕێژەی تەواوکردنی پلان بۆ داڕێژراوی تێپەڕاند کە 17% بوو.
ڕێژەی تەواوبوونی پڕۆژەی نۆژەنکردنەوەی پردی شەهیدانی زەیتون لە ئێستادا گەیشتووەتە 50%، لەکاتێکدا پێشبینی دەکرێت لە ناوەڕاستی ئەمساڵدا کارەکانی تەواو ببێت.