کەشناسی عێڕاق پێشبینیەکانی کەشناسی بڵاودەکاتەوە
ناوخۆ
- 1-01-2024, 11:30
بەغداد/ INA
کەشناسی ئەمڕۆ ڕۆژی دووشەممە باری کەشوهەوای بۆڕۆژانی داهاتوو بڵاوکردەوە.
بەیاننامەی کەشناسی کە دەست ئاژانسی هەواڵی عێڕاقی کەوتووه راگه‌یاندووه" سبەی لەناوەڕاست وباکوور ساف وپەڵەهەوردەبێت ودەرفەتی ڕێژنەبارانیش دەبێت لەناوچەکانی باشوور، پلەکانی گەرماش نزیک ڕۆژی پێشتردەبن.
ڕۆژی چوارشەممەش لەناوەڕاست ساف و پەڵەهەوریش دەبێت پلەکانی گەرماش لەناوەڕاست و باشوور نزیک ڕۆژی پێشتردەبێت ، لە باکووریش پلەکانی گەرما هەدێک نزم دەبنەوە.
ڕۆژی پێنجشەممەش لەناوەڕاست ساف وهەندێک هەوردەبێت ، لەباشوور ساف دەبێت و پلەکانی گەرماش لەسەرانسەری وڵاتدا هەندێک بەرزدەبنەوە.
ڕۆژی هەینیش لەناوەڕاست تەماوی دەبێت و دەرفەتی ڕێژنەبارانیش دەبێت ، لەباکووریش تەماوی دەبێت و دەرفەتی بارانبارینیش دەبێت کەهەندێک جاربروسکەی لەگەڵدادەبێت، پلەکانی گەرماش لەسەرانسەری وڵاتدا نزیک ڕۆژی پێشتردەبن.
