کۆمۆسیۆنی هەڵبژاردنەکان: ڕێژەی بەشداربووان لەپڕۆسەی هه‌ڵبژاردنی ئه‌نجوومه‌نی پارێزگاكان 41٪ بووه
ناوخۆ
- 19-12-2023, 09:39
بەغداد/ INA
ئەنجومەنی کۆمۆسیاران لە کۆمۆسیۆنی باڵای سەربەخۆی هەڵبژاردنەکان ڕایانگەیاند کە لە بەڕێوەبردنی پڕۆسەی هەڵبژاردن سەرکەوتووبوونە.
سەرۆکی ئەنجومەنی کۆمۆسیاران عمر احمد لەکۆنگرەیەکی ڕۆژنامەوانیدا کە ئاژانسی هەواڵی عێڕاقی بەدوداچونی بۆکرد راگه‌یاند" کۆمۆسیۆنی هەڵبژاردنەکان لە ئەداکردنی ئەم ئەرکە نیشتیمانیەی سەرکەوتووبووە کەتوانی هەڵبژاردنێک بکات بەشێوازێکی دیموکراسی و لەکەشێکی ئارامدا.
ڕوونیشی کردەوە کە ژماردنی دەنگەکان پاش داخستنی بنکەکانی دەنگدان دەستیپێکردووە.
وتیشی کە ڕێژەی بەشداربووان لەپڕۆسەکە گەیشتووەتە 41٪ و پابەندیشین بە ڕاگەیاندنی دەرەنجامەکان لەماوەی 24 کاتژمێردا.
