سه‌رۆك وه‌زیران: ئه‌نجامدانی هەڵبژاردنی ئەنجومەنی پارێزگاکان پابەندبوونی حکومەتە به‌بەرنامە وەزارییەکەی

به‌غدا-INA
محه‌مه‌د شیاع سودانی سه‌رۆكی ئه‌نجوومه‌نی وه‌زیران ڕاگه‌یاند" ئه‌نجامدانی هەڵبژاردنی ئەنجومەنی پارێزگاکان پابەندبوونی حکومەتە به‌بەرنامە وەزارییەکەی و هەنگاوێکی دیکەیە بەرەو لامەرکەزییەتی ئیداری و پتەوکردنی ئاشتی کۆمەڵایەتی و سەقامگیری.
سه‌رۆك وه‌زیران له‌راگه‌یندراوێكدا كه‌ئاژانسی هه‌واڵی عێراقی وه‌ریگرتووه‌ راگه‌یاندووه‌" گەرمترین پیرۆزبایی پێشەکەش بە گەلی عێراقمان دەکەم لەگەڵ تەواوبوونی هەڵبژاردنی ئەنجومەنی پارێزگاکان و ئەم مافە دەستوورییە گرنگە لە سیستەمی دیموکراسی و ئیداریماندا.
هه‌روه‌ها سوپاس و پێزانین بۆ هێزە ئەمنییە پاڵەوانەکانمان بە هەموو پێکهاتەکانیانەوە، بۆ ئەنجامدانی ئەرکەکانیان و سەرخستنی پرۆسەی هەڵبژاردن.
هەروەها سوپاسی سەرجەم کارمەندانی کۆمسیۆنی هەڵبژاردنەکان و هەموو ئەو کەسانە دەکەم کە بەشداریان کردووە لەم سەرکەوتنەدا، وە سوپاسی ئەنجومەنی نوێنەران و هێزە سیاسییە نیشتمانییەکانی عێراق دەکەم کە ڕکابەری کردنیان لە سنووری یاسادا پاراست لەگەڵ هەموو ئەو ئەوانەی کە پرۆسەی هەڵبژاردنیان ڕێکخست و شەفافیەت و پاکییان پاراست.
له‌به‌شیكی دیكه‌ی راگه‌یه‌ندراوه‌كه‌دا هاتووه‌" ئه‌نجامدانی هەڵبژاردنی ئەنجومەنی پارێزگاکان پابەندبوونی حکومەتە به‌بەرنامە وەزارییەکەی و هەنگاوێکی دیکەیە بەرەو لامەرکەزییەتی ئیداری و پتەوکردنی ئاشتی کۆمەڵایەتی و سەقامگیری و بەدیهێنانی ئیرادەیەکی دواکەوتوو کە لە ساڵی 2013 ەوە ڕاگیراوە، هەروەها نوێنەرایەتی دیارترین شێوەی سەرکەوتن دەکات لە ئەنجامدانی هەڵبژاردن لە کەرکوک کە لە ساڵی 2005 ەوە ڕاگیراوە، سڵاو لە هەموو ئەو کەسانەی کە هاوکار و بەشدار بوون لە جێبەجێکردنی ئەم مافە.