دەزگای ئاسایشی نیشتمانی ڕۆڵی خۆی لە كاتی پرۆسەی هەڵبژاردنەكاندا ئاشكرادەكات

بەغداد  - INA
ئەمڕۆ هەینی، دەزگای ئاسایشی نیشتمانی ڕۆڵی خۆی لە كاتی پڕۆسەی هەڵبژاردن و ئامادەكارییە ئەمنییە بەردەوامەكانی بۆ ئەنجامدانی هەڵبژاردن ئاشكراكرد.
وتەبێژی دەزگای ئاسایشی نیشتمانی لە كۆنگرەیەكی ڕۆژنامەوانیدا كە ئاژانسی هەواڵی عێراقی بەدواداچوونی بۆ كردووە، رایگەیاند: ڕۆڵی دەزگای ئاسایشی نیشتمانی بریتییە لە پاراستنی ئەندام و كادر و دامەزراوە و پێكهاتەكانی كۆمسیۆنی باڵای سەربەخۆی هەڵبژاردن و كاندیدەكانی هەڵبژاردن و لایەنەكانی چاودێری و هەڵسەنگاندنی ڕێوشوێنەكانی ئاسایش و خۆپارێزیكردن و ڕێوشوێنەكانی سەلامەتی، تۆماركردنی تێبینیەكانی وێستگەكانی دەنگدان و ئاستی ئامادەبوون، كارلێككردنی هێزی هەڵگرتن، كامێرای چاودێری، چاودێریكردنی هەوڵەكان بۆ ساختەكاری و هەوڵدان بۆ كڕینی كارتی دەنگدەران و چڕكردنەوەی هەوڵەكانی هەواڵگری.
ئاماژەی بەوەشكرد: كارەكانی دەزگاكە بریتییە لە دابینكردنی تەحەددیات و مەترسییە چاوەروانكراوەكان بۆ ژووری ئۆپەراسیۆنە هاوبەشەكان لە كاتی هەڵبژاردنەكاندا لەڕێگەی پێشكەشكردنی ڕاپۆرتی هەواڵگری، وردبینیكردنی داتای چاودێرانی ناوخۆیی، هەماهەنگیكردن لەگەڵ كۆمسیۆن، سەرپەرشتیكردنی میكانیزمی كاری پیشەییەكانی میدیا، و چاودێریكردنی كەیسەكان بەرزكردنەوە لە نزیك ناوەندەكان.
وتیشی: لیژنەیەكی باڵا بۆ ئاسایشی ئەلیكترۆنی پێكهێنراوە، بە سەرۆكایەتی ئاسایشی نیشتمانی و ئەندامێتی دەزگا ئەمنییەكان، هەروەها كۆمیسیۆنی هەڵبژاردنەكان كە بەرپرسیارە لە سەرپەرشتیكردنی كاری ئامێر و سێرڤەرەكان و چۆنیەتی گواستنەوەی داتاكان.
ئاشكراشیكرد: لیژنەكە نمونەیەكی پرۆسەی دەنگدانیان ئەنجامداوە بۆ دیاریكردنی هەموو ئەو ئەگەرە تەكنیكیانەی كە ڕەنگە ڕووبدەن و بۆ پشكنینی ئامێرەكانی ژماردن و ڕیزكردن و گواستنەوە. هەروەها لیژنەكە دڵنیای دەدات لە پاراستنی پێویست بۆ سیستەمی تەكنیكی كە لەلایەن كۆمسیۆنەوە پەسەندكراوە بە تایبەتی سیستەمی هەڵگرتنی ئەو زانیاریانەی كە لە سەنتەرەوە بۆ كۆمیسیۆن دەنێردرێت.
رونیشیكردەوە: ڕۆڵی دەزگای ئاسایشی نیشتمانی دوای هەڵبژاردن لای دەزگا ئەمنییەكان دەمێنێتەوە بەمەبەستی دابینكردنی ژینگەی ئەمنی گونجاو بۆ گواستنەوەی كەلوپەلی هەڵبژاردن و سندوقەكانی دەنگدان لەناو پارێزگا و لەنێوان پارێزگاكاندا.