نێچیرڤان بارزانی پیرۆزباهی ل ئێزدییان كر

سیاسی

15-12-2023, 12:28

+A -A

هەولێر - INA

ئەمرۆ هەینی، نێچیرڤان بارزانی سەرۆكی هەرێمی كوردستان، بەبۆنەی جەژنی ڕۆژییێن ئێزی، پەیامێكی پیرۆزبایی ئاراستەی ئێزیدییانی كوردستان و جیهان كرد.
نوسینگەی راگەیاندنی سەرۆكی هەرێم، بەیاننامەیەكی بۆ ئاژانسی هەواڵی عێراقی ناردووە، ئەمە دەقەكەیەنی:
پەیاما پیرۆزباهیێ یا نێچیرڤان بارزانی، سەرۆكێ هەرێما كوردستانێ ژبۆ جەژنا ڕۆژی یێن ئێزی:
جەژنا ڕۆژی یێن ئێزی ل ڕێزداران میر و جڤاتا ڕووحانی و هەمی خوشك و برایێن ئێزدی ل كوردستانێ و عیراقێ و ل هەر جهەكێ جیهانێ بن، ب گەرمی پیرۆز دكەم. هیڤیدارم جەژنەكا تەنا و ئارام و بێهنڤەدانەكا خۆش ببۆرینن.
د ڤێ هەلكەفتنێدا جارەكا دی خوشك و برایێن خۆ یێن ئێزدی پشتڕاست دكەین كو وەك هەرگاڤ دێ پشتەڤان و پارێزڤانێن مافێن وان بین. دێ هەمی هەولا دەین كو دەڤەرێن وان بێنە ئاڤەدانكرن و كوردستان هەر وەلاتێ پێكڤەژیانا ئاشتیانە یا هەمی پێكهاتەكان بیت.

جەژن پیرۆز بیت، هەر سال ب خێر و خۆشی.
نێچیرڤان بارزانی
سەرۆكێ هەرێما كوردستانێ
2023/12/15