نەتەوە یەكگرتووەكان: عێراق پێشكەوتنی بەرچاوی لە بەرەنگاربوونەوەی بازرگانیكردن بە مرۆڤەوە بەدەستهێناوە

بەغدا  -  INA- ویسام مەلا
ئەمڕۆ یەكشەممە عەلی بەریر ڕێكخەری سەرەكی بەرنامە و بەرپرسی فەرمانگەی نەتەوە یەكگرتووەكان بۆ ماددە هۆشبەرەكان و تاوانەكان لە عێراق (UNODC)، پشتڕاستیكردەوە كە عێراق پێشكەوتنی گەورەی لە بواری بەرەنگاربوونەوەی بازرگانیكردن بە مرۆڤەوە بەدەستهێناوە، ئاماژەی بە هاوكارییەكانی عێراق و پەیوەندی نێودەوڵەتی بۆ چاودێریكردنی تۆڕەكانی بازرگانیكردن بە مرۆڤەوە.
بەریر بە ئاژانسی هەواڵی عێراقی (INA)ی ڕاگەیاند: عێراق دەستكەوتی گەورەی لە بواری بەرەنگاربوونەوەی بازرگانیكردن بە مرۆڤەوە بەدەستهێناوە، ئاماژەی بەوەشكرد : پێشتر وەزارەتی ناوخۆ دەستگیركردنی ژمارەیەك تۆڕی بازرگانیكردن بە مرۆڤی لە بەغدا و پارێزگاكانی ڕاگەیاند .
ئاماژەی بەوەشكرد : نەتەوە یەكگرتووەكان هاوكاری عێراق و حكومەتی هەرێم دەكات لە هەوڵدان بۆ چاودێریكردنی هەندێك لەو تۆڕانەی كە پێمانوایە لە دەرەوەی عێراق كاردەكەن و كاریگەرییان لەسەر قاچاخچێتی كۆچبەران و بازرگانیكردن بە مرۆڤ لە دەرەوەی عێراق هەیە.
ئاماژەی بەوەشكرد : هەندێك ڕووداو هەبوون كە لەوبەری دەریاكان ڕوویانداوە، كە تێیدا عێراقییەكان لە نێوان فەرەنسا و ئینگلتەرا و وڵاتانی دیكەدا خنكاون، ئێمە هاوكاری عێراقمان كرد بۆ پەیوەندیكردن لەگەڵ دەسەڵاتە نێودەوڵەتییەكان بەمەبەستی لێكۆڵینەوە لەم بابەتە و ئەوانەی لە پشت ئەم تۆڕانەن.
ناوبراو ڕایگەیاند : بە هاوكاری نێوان لیژنەی نیشتمانی بۆ بەرەنگاربوونەوەی بازرگانیكردن بە مرۆڤ و نەتەوە یەكگرتووەكان، ڕەشنووسی یاسایەكی نوێی عێراقی بۆ ڕووبەڕووبوونەوەی ئەم دیاردەیە پەرەی پێدرا، و لە وەزارەتی ناوخۆ پێداچوونەوەی بۆ كرا و پێشكەشی سەرۆك وەزیران كرا بۆ پێداچوونەوە و پێشكەشكردنی لە دانیشتنەكانی یاسادانانی داهاتوودا بۆ تەواوكردن، جەختی لەوە كردەوە كە ڕەشنووسێكی نوێیە كە لەگەڵ ئەو ستانداردە نێودەوڵەتییانەی كە عێراق پێویستیانە لە قۆناغی داهاتوودا دەگونجێت.