ڕاوێژكاری سەرۆك وەزیران: كارگەكانی دەرمان پێشكەوتنێكیان بەدەستهێنا بە تۆماركردنی 286 ئامادەكاری نوێ

بەغدا -INA- محەمەد تالبی
ڕاوێژكاری سەرۆك وەزیران بۆ كاروباری پیشەسازی و پەرەپێدانی كەرتی تایبەت و پیشەسازی دەرمان حەمودی لامی ئەمڕۆ یەكشەممە دووپاتی كردەوە كە كارگەكانی دەرمان لە عێراق پێشكەوتنێكیان بەدەستهێناوە بە تۆماركردنی 286 بەرهەمی نوێ لە دوای دەستپێكردنی پڕۆژەی خۆجێیی كردنی دەرمان، هاوكات ئاماژە بە بەرزبوونەوەی گرێبەستی دەرمانسازی لەگەڵ وەزارەتی تەندروستی بۆ 400 ملیار دینار دەكات.
لامی بە ئاژانسی هەواڵی عێراقی (INA)ی ڕاگەیاند: كارگەكانی دەرمان لەمساڵدا بووژانەوەیەكی زۆریان بەدەستهێنا لە ژمارەی ئامادەكارییەكان، بەو پێیەی 286 ئامادەكاریی نوێی دەرمان تۆماركران، كە زۆرینەیان دەرمانی گرنگن كە كاریگەریی چارەسەری بەرزیان هەیە لە دوای خستنەبازاڕی وپڕۆژەی خۆماڵیكردنی دەرمانسازی.
ئاماژەی بەوەشكرد : لەوانەش 11 جۆر دەرمانی شەكرە، 8 جۆر دەرمانی پەستانی خوێن، 3 جۆری لەژێر تۆماری كۆتاییدا، و 20 جۆر دژە زیندەیی، هەروەها فۆرمولاسیۆنی دەرمانی جۆراوجۆر وەك ئازارشكێن، دەرمانی چارەسەری گەدە و ئەوانی تر.
ئاماژەی بەوەشكرد : لە بەرنامەی بە نیشتیمانیكردندا وەڵامێكی گەورە لەلایەن كارگەكانی نیشتیمانیەوە هەبوو، و دەستیانكرد بە پەرەپێدانی كارگەكانی ئێستا و زیادكردنی بەرهەمهێنان، ئەمەش لە قەبارەی گرێبەستەكان لەگەڵ وەزارەتی تەندروستیدا ڕەنگدانەوەی هەبوو، ئاماژەیە بۆ ئەوەی قەبارەی گرێبەستەكان و گرێبەستەكانی لەگەڵ وەزارەتی تەندروستی نزیكەی 400 ملیار دینار بووە، لەكاتێكدا كەمتر لە 150 ملیار دینار بووە  لە ماوەی ساڵی ڕابردووی 2022.
وتیشی : یاسای پاراستنی بەرهەمی نیشتمانی پارەی زیادە دەخاتە سەر ئەو دەرمانانەی لە دەرەوە هاوردە دەكرێن، بەڵام عێراق ناتوانێت ڕێگری لە هاوردەكردن بكات، چونكە پابەندە بە ڕێككەوتنە نێودەوڵەتییەكان و دەیەوێت بیپارێزێت، بەڵام ئەو پلانەی ئێمە كاری لەسەر دەكەین ئەوەیە كە دەرمانی ناوخۆیی بەرهەمبهێنین لە پلەیەكی زۆر و نرخێكی گونجاو بۆ هاوڵاتیان.
ئاماژەی بەوەشكرد : هەماهەنگی لە نێوان وەزارەتی تەندروستی و سەندیكای دەرمانسازەكاندا هەیە سەبارەت بە نرخی دەرمان و نووسینی ڕەچەتەی چاپكراو بە ناوی زانستی نەك بازرگانی، بۆ ئەوەی دەرفەتێك بدەین بە بازاڕكردنی بەرهەمی ناوخۆیی، جەختیشی لەوە كردەوە بەرهەمی ناوخۆیی بەپێی تایبەتمەندییە دەرمانییە ئەمریكی و بەریتانیاییەكانە، كاریگەرییەكی زۆری هەیە، و لەلایەن كۆنترۆڵی دەرمانسازییەوە پشكنینیان بۆ دەكرێت.