سەرۆک وەزیران: لە ئێستادا سەرقاڵی پرۆژەیاسایەکین بۆ ڕێگریکردن لە ئەشکەنجەدان و مامەڵەی نامرۆڤانە

بەغداد-INA
ئەمڕۆ یەکشەممە"محەممەد شیاع سودانی"سەرۆک وەزیران،رایگەیاند؛- کە کار لەسەر ڕەشنووسی یاسای ڕێگریکردن لە ئەشکەنجە و مامەڵەی نامرۆڤانە دەکەین، هاوکات داوای لە ئەنجومەنی نوێنەران دەکات هەڵبژاردنی ئەندامانی کۆمیسیۆنی باڵای مافەکانی مرۆڤ تەواو بکات.
سەرۆک وەزیران لە وتارێکدا  لە میانی کۆنگرەی دووەمی پلانی نیشتمانی بۆ مافەکانی مرۆڤ لە عێراق، کە لەلایەن وەزارەتی دادەوە لەژێر دروشمی (دەوڵەتی مرۆڤ بون ئامانجی ئێمەیە) بەڕێوەچوو، کە هاوکاتە لەگەڵ یادی 75 ساڵەی جاڕنامەی مافی مرۆڤ، کە پەیامنێری ئاژانسی هەواڵی عێراقی (INA) رووماڵی دەکرد، رایگەیاند :-دەستکەوتی مێژوویی بەدەست هاتوو لە دژی چەتەکانی تیرۆریستی داعش نوێنەرایەتی سەرکەوتنێکە بۆ ئیرادەی گەلەکەمان و هێزە چەکدارەکانمان بە هەموو جۆر و پێکهاتەکانەوە.
ئاماژەی بەوەشدا :  کە مەلەفی مافی مرۆڤ لە عێراقدا گرنگییەکی تایبەتی وەرگرتووە لە بەرنامەی حکومەت و لە هەنگاوە و  جێبەجێکردنەکاندا، و کارکردن لەسەری فراوانتر بوون بۆ ئەوەی لایەنە جیاوازەکانی ژیانی تاک لەخۆبگرێت.
سەرۆک وەزیران داوای لە  ئەنجوومەنی نوێنەران کرد کە هەڵبژاردنی ئەندامانی کۆمسیۆنی باڵای مافەکانی مرۆڤ تەواو بکات، بەجۆرێک پاڵپشتییەکی دەستووری و یاسایی هەبێت بۆ چەسپاندنی بنەما سەرەتاییەکانی مافەکانی مرۆڤ.
ڕاشیگەیاند :- کە بەرپرسیارێتی حکومەت سەبارەت بە مەلەفی مافەکانی مرۆڤ درێژدەبێتەوە بۆ مافی ژیانێکی پر ڕێز، و ماف ڕزگاربوون لە هەژاری، و مافی خوێندن و تەندروستی و خزمەتگوزاری.
ئەوەشی خستەڕوو،کە دەوڵەت مافی ئەوەی هەیە لە بازاڕێکی ئازاد و بەرهەمداردا بەدوای هەلی کاردا بگەڕێت،و مافی پاراستنی سامانی گشتی و بەدواداچوونی گەندەڵکارانی هەیە، هەروەها ئاوارەکان بە بەهێز و سەلامەت بگەڕێنەوە ناوچەکانی خۆیان.
لە درێژەی قسەکانیدا سەرۆک وەزیران وتی :- دەرگای پەیوەندیمان بەڕووی هەر سکاڵایەکدا کردۆتەوە و گرنگی پێویستی پێدەدرێت،هەروەها ڕێنمایی ڕوون و توندمان دەرکرد بۆ پابەندبوون بە مامەڵەی مرۆڤانە و یاسایی لەنێوان جێبەجێکارانی یاسا و هاووڵاتیان.
ووتیشی :-بەپێی مادەی 37ی دەستوور،کارە نامرۆڤانە و پێشێلکردن،پێچەوانەی دەسەڵاتی خۆیەتی.
ڕوونیشیکردەوە:- کارمان کرد بۆ پەسەندکردنی ستراتیژی نیشتیمانی بۆ بەرەنگاربوونەوەی بازرگانیکردن بە مرۆڤ لە عێراق، و ئەو پلانە نیشتمانییەی هاوپێچ کراوە، هەروەک ئەنجوومەنی وەزیران ستراتیژی نیشتمانیی بۆ خۆپاراستن لە خۆکوشتن پەسەند کرد، هەروەها ڕەشنووسی یاسای مافی خۆکوژی و وەرگرتنی زانیاری ڕەوانەی ئەنجومەنی نوێنەران کراوە.
ڕاشیگەیاند:- کە ئێمە یاسای ژنانی ڕزگاربووانی ئێزیدیمان چالاک کرد، و ئەو نادادپەروەرییەمان لە دژی ئەم پێکهاتە عێراقییە هەڵگرت، ئێزیدییەکانیش خاوەندارێتی شوێنی نیشتەجێبوونیان کرد دوای ئەوەی ئەم دۆسیەیە بۆ ماوەی زیاتر لە 40 ساڵ وەستابوو، ئەمە جگە لە هەموارکردنەوەی ڕەشنووسی یاساکە.
لەسەر ئازادیی دەربڕینی بیروڕا و گردبوونەوە و خۆپیشاندانی ئاشتیانە، بە شێوەیەک کە گەرەنتی چەسپاندنی مافە دەستوورییەکان بکات،ئاشکرایکرد :- کە ئێمە لە ئێستادا کار لەسەر ڕەشنووسی یاسایەک دەکەین کە ڕێگری لە ئەشکەنجەدان و مامەڵەی نامرۆڤانە بکات، بۆ ئەوەی چەند بڕگەیەک زیادبکرێت بۆ یاسای پاراستنی مافەکانی مرۆڤ، و بەرزکردنەوەی ئاستی چاودێری کۆمەڵایەتی وەک  ڕێگایەکی گرنگ بۆ گرینگیدان بە  مافەکانی مرۆڤ.
لەبەشێکی وتەکانیدا سەرۆک وەزیران تیشکی خستە سەر دۆسیەی فەلەستین و وتی :- لەگەڵ مافی فەلەستین بۆ ژیانی شایستە و دامەزراندنی دەوڵەتی فەلەستینین لەسەر خاکی فەلەستین و داوای کۆتاییهێنان بە دەستدرێژی دژی غەززە دەکەین.
وەک سەرۆکوەزیران ئاماژەی پێدا  کە ئەولەویەتەی  کە حکومەت پەسەندی دەکات، چاکسازی ئابووری و بەرەنگاربوونەوەی گەندەڵی و دابینکردنی خزمەتگوزاری و دەستەبەرکردنی هەلی کار و و بەرەنگاربوونەوەی هەژاری و مافی هاووڵاتی پێکدەهێنن، هەروەک پاراستنی کۆمەڵگا لە بەڵا و لە لەناوبردنی ماددە دەروونییەکان و ژەهرە کوشندەکانی هۆشبەری ، کە ئەوە بەرپرسیارێتییەکە کە ئێمە لە ئەستۆی دەگرین، و باوەڕمان بە مافی کەسی عێراقی هەیە کە بپارێزرێت.