وەزارەتی کارەبا: گازی تورکمانستانی نیازمەندیەکانی 6 وێستگە دابین دەکات
ناوخۆ
- 4-12-2023, 12:25
بەغداد/ INA حەسەن فەواز
وەزارەتی کارەبا ئەمڕۆ ڕۆژی دووشەممە ڕایگەیاند کە شاندێکی بەسەرۆکایەتی وەزیری کارەبا زیاد عەلی فازڵ پێکهێناوە بۆ گفتووگۆکردن لەگەڵ کۆمپانیای گازی تورکی بۆ هاوردەکردنی 25 ملیۆن مەتر سێجا.
بەڕێوەبەری گشتی بەرهەمهێنانی کارەبای ناوەڕاست لەوەزارەت عەلی ئەحمەد بە ئاژانسی هەواڵی عێڕاقی ڕاگەیاند کە بەفەرمانی سەرۆک وەزیران محمد شیاع سودانی شاندێک پێکهێنراوە بەسەرۆکایەتی وەزیری کارەبا بۆ گفتووگۆکردن دەربارەی هاوردەکردنی گاز لە کۆمپانیای گازی تورکمانستانەوە.
ڕوونیشی کردەوەکە ئەوڕێژە گازەی هاوردە دەکرێت نیازمەندیەکانی وزە دابیندەکات، گرێبەستەکەی کۆمپانیای گازی ئێرانیش نیازمەندی سووتەمەنی سروشتی بۆ وێستگەکان دابین دەکات، هەروەها هەردوو ناوچەی باشوورو ناوەڕاست بەیەکەوە بەستراونەتەوە، ئەمەش وادەکات کە جێگیربوونێک هەبێت لە دابینکردنی گازی سروشتی.
وتیشی لەحاڵەتێکدا کە ڕێژەکە دەستەبەربوو ئەوا بەتەواوەتی گاز دابیندەکرێت بۆ وێستگەکانی مەنسووریەو سەدڕو بسمایە و بەشێکی وێستگەکانی باشووری بەغداد و هەردوو وێستگەی قودس و تاجی.
