وەزارەتی پەروەردە:-خەرجکردنی دەرماڵەی قوتابیان لەمانگی دەیەوە هەژمار دەکرێت تا کۆتایی ساڵی خوێندن
ناوخۆ
- 3-12-2023, 16:00
بەغداد-INA
ئەمڕۆ یەکشەممە،وەزارەتی پەروەردە رایگەیاند،کە تا ئێستا وادەی تاقیکردنەوەکانی ناوەڕاستی ساڵ بۆ ساڵی خوێندنی ئێستا دیاری نەکراوە.
لەوبارەیەوە کەریم سەید وتەبێژی وەزارەت بە ئاژانسی هەواڵی عێراقی (INA)ی ڕاگەیاند:تا ئێستا هیچ وادەیەک بۆ تاقیکردنەوەکانی ناوەڕاستی ساڵ بۆ ساڵی خوێندنی ئێستا دیاری نەکراوە.
سەید ووتیشی: لە ئێستادا بابەتەکە لە قۆناغی لێکۆڵینەوەدایە، ئەمەش پەیوەستە بە پشووەکانی داهاتووەوە،بە لەبەرچاوگرتنی ئەوەی کە ئەم ساڵی خوێندن سەرەڕای ئاستەنگە گەورەکان بە تەواوی دەستی پێکردووە.
سەبارەت بە خەرجکردنی دەرماڵەی قوتابیان، سەید روونیکردەوە کە خەرجکردنی دەرماڵەی قوتابیان لەمانگی دەیەوە هەژمار دەکرێت تا کۆتایی ساڵی خوێندن.
ڕاشیگەیاند:-کە دوا کەوتنی بەهۆی پێداچونەوە بووە بە ڕێکخستنی هەندێک رێکار، بۆیە لەمەودوا مانگانە بەبێ دواکەوتن خەرجدەکرێت.
