دادگای باڵای فیدراڵی:دەسەڵاتی پۆستە بەوەكالەتەكان بەردەوام دەبێت تا یەكلاكردنەوەی سكاڵا لەسەر مادەی 71لە دادگا
ناوخۆ
- 3-12-2023, 13:59
بەغداد-INA
ئەمڕۆ یەکشەممە،دادگای باڵای فیدراڵی فەرمانێکی دەرکرد بۆ درێژەدان بە دەسەڵاتە دارایی و کارگێڕییەکانی ئەو دامەزراوانەی دەوڵەت کە بە وەکالەت بەڕێوەدەبرێن تا ئەو کاتەی دۆسیەکە یەکلایی دەبێتەوە.
دادگای فیدراڵی لە بەیاننامەیەکدا ،کە بۆ ئاژانسی هەواڵی عێراقی (INA) ناردوویەتی، تیایدا رایگەیاندوە :-
لەبارەی ئەو پۆستانەی کە بەوەکالەت لە حکومەت و وەزارەتەکان بەڕێوەدەبرێن، بە پێی بڕیارەكەی دادگا ئەو كەسانە دەسەڵاتەکانیان بەردەوام دەبێت تا ئەوکاتەی سکاڵای سەر مادەی (71)ی یاسای بودجە لە دادگا یەکلایی دەکرێتەوە.
لە مادەی 71ی یاسای بودجەدا ، حکومەت پابەند دەكات بە كۆتاییهێنان بە سەرجەم پۆستە بەوەكالەتەكان لە دامەزراوەكانی دەوڵەتی عێراقدا دوا وادەش 2023/11/30.
