ئەعرەجی: دەزگا ئەمنییەكان بەدواداچوون بۆ ئەنجامدەرانی ڕووداوەكەی عومرانیە دەكەن و ڕووبەڕووی یاسایان دەكەنەوە

بەغدا - INA
ئەمڕۆ شەممە قاسم ئەعرەجی ڕاوێژكاری ئاسایشی نیشتمانی، بە یاوەری شاندێكی ڕاوێژكاری ئاسایشی نیشتمانی، سەردانی پارێزگای دیالەی كرد و جەختی لەوە كردەوە كە دەزگا ئەمنییەكان بەدواداچوون بۆ ئەنجامدەرانی ڕووداوەكەی عومرانیە دەكەن و دەیانخەنە بەردەم دادگا.
لە ڕاگەیەندراوێكدا لە نووسینگەی ڕاگەیاندنی ڕاوێژكاری ئاسایشی نیشتمانی كە بەدەست ئاژانسی هەواڵی عێراقی (INA) گەیشتووە و تێیدا هاتووە : قاسم ئەعرەجی ڕاوێژكاری ئاسایشی نیشتمانی بە یاوەری شاندێكی ڕاوێژكاری ئاسایشی نیشتمانی، سەردانی پارێزگای دیالەی كردووە و سەرەخۆشی لە كەسوكاری قوربانیانی ئەو ڕووداوە تیرۆریستییە كرد كە خەڵكی مەدەنی لە گوندی عومرانیە لە پارێزگاكە كردە ئامانج،بە هیوای چاكبوونەوەی خێرا و تەواو بۆ بریندارەكان.
ئەعرەجی جەختی لەوە كردەوە كە دەزگا ئەمنییەكان بە هەموو لقەكانیانەوە بەدوای تاوانباراندا دەگەڕێن و دەیانخەنە بەردەم دادگا بۆ ئەوەی سزای دادپەروەرانەیان وەربگرن.
جەختیشیكردەوە: گرنگی هاوكاری خەڵك لەگەڵ خزمەتگوزارییە ئەمنییەكان بۆ ئەوەی ئەو كەسانەی دەیانەوێت كەشوهەوای سەقامگیری ئەمنی لە هەموو ناوچەكانی عێراق تێكبدەن، دەرفەت لەدەست نەدەن.